وسام في محكمة الأسرة: حرمني من الخلفة 14 سنة وفي الآخر طلع ندل
فطرة الأمومة متواجدة عند كل بنت منذ ولادتها، وتحلم من صغرها وهي تلعب بعروستها أن تكون أم، ويظل هذا الحلم معها حتى تكبر أن تكون أم ولها أطفالها ترعاهم وتحميهم، زوج «وسام» حرمها من نعمة الأطفال وفوق هذا غدر بها بعد سنين من العشرة .
"14 سنة مستحملاه وفي الآخر طلع ندل" هذا ما قالته «وسام» عن زوجها الذي عشات معه سنين في ألم وحسرة وحرمان، تزوجت «وسام» ابن عمتها وتوسمت فيه الخير أن يحافظ عليها ويحميها ويكون سندها بعد أن حرمهما الله من نعمة الأطفال، لكن بعد سنين العشرة وتحملها عقم زوجها وبخله معها، لم يقدر زوجها أي من تضحياتها وتركها وحدها وطردها من بيتها وجعلها تلجأ في النهاية لمحكمة الأسرة وهي في قلبها الحسرة على السنين التي أضاعتها معه.
اقرأ أيضا
استحملت 14 سنة من غير خلفة بسبب جوزي
قالت «وسام»: اتجوزت ابن عمتي 14 سنة، وكانت العلاقة بينا قبل الجواز كويسة وطول عمرنا عارفينه كويس ومحترم، لحد ما اتجوزنا ومحصلش خلفة لسنين اكتشفنا أن العيب كان منه هو، استحملت وعيشت وقلت مش هسيبه واتخلى عنه، اتعالج كذا مرة، وعملنا كذا عملية لكن كل مرة مكنش بيحصل نصيب.
الناس الغريبة كانت بتقوم جوزي عليا
تابعت «وسام»: بعد ما اكتشفنا كدة عيشت وقلت ربنا يعوض علينا خير، وعشت معاه 14 سنة أنا وهو بس، في أول الجواز كان كويس لكن بعد كدة بقى مبيصرفش عليا خالص غير على القد، وبقى يرمي ودانه للناس بره يقوموه عليا، كنت بسحتمل وأعدي وأقول غلبان وكفاية اللي فيه بس اللي عمله معايا مكنتش اتوقعه أبدا.
اقرأ أيضا
استغل عدم وجودي في البيت ورمالي هدومي برة البيت
أضافت «وسام»: مشكلة المصاريف استمرت كل سنين جوازنا لحد في مرة حصلت مشكلة كبيرة بسببها، واشتكيت لأهله واخواته وقلتلهم انا مابتشتغلش أجيب منين عشان أصرف وقفوا معايا وغلطوه وصالحونا على بعض، بعد المشكلة دي ب3 شهور، سافرت البلد أزور حد قريبنا ولما رجعت لقيته رامي هدومي بره البيت وطردني من شقتنا وقالي مش عايزك.
ايتعوضت ربنا في السنين اللي ضاعت معاه
أنهت «وسام» كلامها وقال: أنا استحملته 14 سنة وفي الأخر طلع ندل، لما عمل معايا قررت أطلق منه ومرجعلوش تاني رفعت عليه دعوى طلاق، وهو خاف أطول في المحاكم ويتفضح أنه مرفوع عليه قضية طلاق، طلقني غيابي وأداني جزء بس من حقوقي، بعد كدة رفعت عليه دعوى نفقة ودي متجيش جزء من حقي قصاد السنين اللي ضيعتها معاه أنا خلاص استعوضت ربنا فيها.