أسماء في دعوى طلاق: حماتي أهانت سلفتي ولما دافعت عنها ضربتنا أحنا الاتنين
في عام 2014 تزوجت «أسماء» من زوجها في بيت عائلته وكان في مخيلتها أن عائلته ستكون مثل عائلتها ووالدته ستعاملها مثل ابنتها ولكن لمدة 7 سنين عاشت «أسماء» حياة زوجية سيطرت عليها تدخلات أم زوجها ولم تعاملها أبدا بحب أو عطف إنما عاملتها بقسوة وعنف غير مبررين.
انتهى زواج أسماء بعدما نتج عنه 3 أولاد في محكمة الأسرة برفع دعوى طلاق لتسطيع نيل حريتها، والحصول على حقوقها، بعد أن فاض بها الكيل من تحكم أهل زوجها في حياتها ومعاملتهم السيئة لها.
وقبل أن تلجأ أسماء إلى محكمة الأسرة طلبت الطلاق بالود ووافق الزوج لكنه اشترط أن تتنازل عن كل حقوقها، ما دفعها إلى اللجوء لمحكمة الأسرة.
قالت «أسماء»: اتجوزت في 2014 وسيبت جوزي في 2021 بعد مشاكل كتير وطاقتي خلصت إني استحمل تدخل أهله في حياتنا ومعاملته السيئة معايا. مشاكلي معاه أنه كان مبيصرفش اي مصاريف لبس وأكل وشرب كله من بيت أهلي وهو بيقول مش معايا، استحملت وقلت عشان أربي عيالي لكن اللي أهله كانوا بيعملوه معايا هو اللي مقدرتش استحمله.
تابعت الزوجة: كنا عايشين في بيت عائلة، وأمه كانت هي اللي مسيطرة على البيت، وكنت بعاملها بما يرضي الله لكن هي من أول جوازي وهي معاملتها مش كويسة معايا، المشاكل كانت على كل حاجة كنت اشتغل وأخدم في البيت وفي الآخر مبعجبش، الغلط والشتيمة بسبب ومن غير سبب ولما اشتكي لجوزي مكنش بيجي عليهم أبدا كان بيجي دايما عليا أنا.
«أسماء» في دعوى طلاق: جوزي ضربني تلت مرات بسبب أهله
تذكرت «أسماء» ذكرياتها المؤلمة مع عائلة زوجها وقالت: جوزي ضربني 3 مرات بس خلال جوازنا وال3 مرات كانوا بسبب أهله أول مرة أمه كانت بتتخانق مع سلفتي أنا اتدخلت لأنها صعبت عليا قلتلها ليه بتعملي كدة حرام راحت ضربتنا أحنا الاتنين مسكتش على حقي ووقفت قصدها جوزي لما عرف ضربني، مرة تانية كانت مشكلة بيني انا واخوه جه عليا وضربني وانا كنت مظلومة، ومرة تانية ضربني بسبب مشكلة لابني مع جدته.
أَضافت أسماء في نهاية حديثها: استحملت كتير وصبرت لكن مكنش في فايدة اهله كانوا بيزيدوا في معاملتهم السيئة وفوق استحمالي ليهم ده كله جوزي كمان عينة كانت زايغة على الستات ولما جبت أخري وطلبت الطلاق قالي، عشان أطلقك اتنازلي عن كل حاجة.
تابع أحدث الأخبار عبر
