بقاله 17 سنة بيسرقني.. هويدا في دعوى طلاق: عايز يموت عيالي ويعشني بحسرتي
عاشت «هويدا» سنين مع زوجها وحاولت أن تغمض عينيها وتدعي أنها لا ترى أي من أفعاله السيئة لتعيش وتربي أولادها ولكن عندما تحولت خطايا الزوج لمثال يحتذى به أولادها ويقلدوه هربت فورا ولجأت لمحكمة الاسرة لتنقذ أولادها.
17 عاما عاشتها هويدا هي وزوجها وأطفالها الثلاثة وكانوا أمام الناس عائلة طبيعية ولكن لم يعلم الناس أن وراء الأبواب المغلقة زوج لص يسرق أقرب شخص له في هذه الدنيا وهي زوجته التي كانت تعلم أن زوجها يسرقها لكن تغاضت عن هذه المشكلة حتى تعيش وتربي أولادها ولخوفها من نظرة المجتمع للمرأة المطلقة.
هويدا:بيسرقني بقاله 17 سنة وبيقول علي للناس مجنونة
قالت الزوجة: عشت معاه 17 سنة يسرقني، بعد الجواز بشهرين عرفت إنه حرامي لأنه سرق ناس في الشارع وقلت لخالي يتأكد إن جوزي هو اللي سرق وعرف فعلا أن هو اللي حرامي قلت لخالي أطلق منه قالي لا أنت أختك لسه مطلقة وكده هنتفضح مينفعش تطلقي وانتي لسه متجوزة وقالي أدي لجوزي فرصة تانية يمكن حاله يتعدل.
تابعت «هويدا»: عشت وقلت بكرة ربنا يهديه واشتغلت كل حاجة مسحت بيوت وسلالم وأروق مطابخ كله عشان أحلل لقمتي اللي باكلها وطول سنين الجواز كان بيسرقني بيفتح محفظتي ويسرقني اللي إيده تطوله 100 ولا 20 جنيه، أعدت خمس سنين مخلفش وبعدين ربنا رزقني بولدين وبنت وكنت عايشة عشان عشان أربيهم.
«هوايدا»: سيبت جوزي لما اكتشفت صدمة لقيت عيالي بيقلدوه وبيفتحو محفظتي من ورايا
بعد طول سنين تحمل «هويدا» لزوجها اكتشفت صدمة جعلتها تتفاجئ أنها ضيعت حياتها مع هذا الرجل وإذا بقيت معه ستدمر حياتها أطفالها أيضا.
أضافت والدموع في عينيها: لاحظت أن ولادي على طول معاهم فلوس وأنا مكنتش بسيب معاهم فلوس كتير كده ولما عرفت السبب جاتلي جلطة وأول لما بقيت أتكلم كنت بقول بس طلقوني، سيبته لما اكتشفت صدمة لقيت عيالي بيقلدوه وبيفتحو محفظتي من ورايا زي ما أبوهم بيعمل لما باجي من الشغل وأدخل الحمام على طول ويسرقني ولما العيال شافوه كذا مرة بقو يقلدوه وياخدو من المحفظة اتنين وخمسة جنيه حجات صغيرة لكن مع الوقت كانت هتكبر ويبقو زي أبوهم الحرامي، هربت عشان ألحق ولادي.
أكملت «هوايدة»: لما قررت أطلق والناس يقولو ليه ده كويس وانتي معاه بقالك سنين ومكنش عامل أي مشكلة ميعرفوش أنى طول السنين دي عايشة ومستحملة، لما عرف اني رافعة عليه دعوى خلع كان بيهددني ويقولي انا عارف ان نقطة ضعفك في العيال هدبحهملك وأنا اتحبس وانتي تعيشي طول عمرك تفتكري في المنظر وتعيشي بحسرتك.
تابع أحدث الأخبار عبر
