7 شهور في الجحيم.. «هند» في دعوى خلع: روحت السوق جاب جارتنا القاصر على سريري
عاشت حياة مدللة وسط أسرة كريمة، تمنت والدتها أن تجد هند ابنتها الأقرب لقلبها رجلا صالحا يقدر على حمايتها ويصون عرضها، وكانت تعد الأيام وهي ترى ابنتها تكبر أمامها كفراشة رشيقة لا تحمل شيئا من هموم الدنيا، ذات صباح طرق الباب شاب توسمت فيه الأم الخير وأنه الأصلح لابنتها ما كانت للغيب بحفيظ، سريعا تمت الخطبة وزفت هند لبيت عريسها لكن ما حدث بعدها كان صادما بكل ما تحمله الكلمة من معنى.
تفاصيل جريمة الخيانة وزواج مات بعد 7 شهور
نحو 7 أشهر فقط قضتها هند تحت ضل رجل خدعها بكلام الحب والاستقامة حتى اكتشفت الشيطان الذي يختفي خلف قناع الود، زوجها أو عريسها الذي لم تكمل معه السنة على فراش الزوجية، يرتبط بعلاقة غير شرعية مع جارته القاصر وتعددت بينهم اللقاءات في السر، حتى شاء القدر أن يفضح ستار الجريمة.. في أحد الأيام خرجت هند لقضاء حوائج المنزل من السوق وبمجرد خروجها استدعى الزوج عشيقته القاصر ومارس معها الرذيلة وعاشرها معاشرة الأزواج على سرير الزوجية وفي غمرة اللقاء الحرام وجد الزوج هندا فوق رأسه تشاهد مايحدث بل وامتلكتها الشجاعة لتصور الخيانة الحاصلة أمامها.
«هند» سردت القصة كاملة لـ «الحادثة» واستهلت الحديث بصوت مكسور: اتجوزت «أحمد» من 2017 عشت معه 7 شهور فقط، اكتشفت أنه على علاقة بفتاة قاصر جارتهم من قبل ما نتجوز وكان عمرها 17 سنة، سبق وتقدم لها وأهلها رفضوه وفضل مكمل معاها واحنا متجوزين بعد الجواز لاحظت إنه على طول ماسك التليفون وبيتكلم فيه وشكيت فيه ولما واجهته أنكر أنه بيكلمها وقال بيكلم واحدة قريبته كذب عليا وأنا مصدقتوش».
تابعت هند: بعد ما اتجوزنا بفترة بسيطة رديت على تليفونه في مرة لما شوفت نمرتها وسمعت أبشع الكلام من البنت ومن أهلها واتشتمت ولما قلتله أنا اتشتمت و اتبهدلت وعايزة حقي قالي محدش قالك تردي على التليفون وكان في إيده كباية شاي حدفها في دماغي»
«هند»: لقيت جوزي في وضع مخل مع بنت 17 سنة
تابعت «هند» وبدا عليها التوتر والإنزعاج: الحادثة حصلت بعد 7 شهور جواز مكنتش في البيت يومها، دخلت عليهم لقيتهم مع بعض الاتنين في أوضة نومي في وضع مخل ولما شفت المنظر اتصدمت وقررت ساعتها إني أصوره عشان يبقى معاي دليل عليه واتطلق منه.
وتضيف: «البنت راحت بلغت على طول بعد اللي حصل وأهلها هجموا على بيتي ومعاهم بلطجية ونزلوا في ضرب لحد ما البوليس جه خدني أنا وجوزي وخدت 4 أيام حبس لأن البنت قالت إني خطفتها أنا وجوزي.»
أضافت الزوجة التي ترملت قبل أن تدخل دنيا حقيقية: وأنا في الحبس أهل «أحمد» سرقوا قسيمة الجواز من الشقة وقالوا إني عايشة معاه في الحرام عشان يلبسوني القضية، وكيل النيابة سألني انتي كنتي متجوزاه ولا عايشة معاه في الحرام فعلا حكيت له ما حدث من البداية وطلبت منه أكلم أهلي يجيبوا قسيمة جوازي، وافق وكلمت أهلي وجابوا القسيمة ولما ثبت إني متجوزاه فعلا وكيل النيابة اخلى سبيلي و«أحمد» اتحكم عليه 6 سنين في قضية هتك العرض.
«هند» للقاضي: ابني مات في بطني من القهرة و الحزن
أكملت «هند» والدموع تنساب من عينيها: لما اتحبست الأربع أيام كنت حامل وسقط من كتر الإجهاد وحالتي النفسية اللي كانت متدمرة، ولما خرجت من الحبس لقيت أهل جوزي سرقوا كل حاجتي أخدوا دهبي وعفشي وكل حاجة خلو الشقة على البلاط ومعرفش هما فين.
أنهت «هند» حديثها وفي صوتها نبرة حزن وندم: أنا دلوقتي رفعت خلع عشان أخد حقي لأني حاولت إني اشتكي بالقايمة لكن معرفش عنوان لأهله اشتكي عليه لأنهم هربانين، وهو خرج بعد 3 سنين قضى نص المدة وبيهددني إني أتنازل عن الخلع ونرجع للبعض بس أنا خايفة منه ومش عارفة لما يقابلني هيعمل فيه إيه، أبويا كلمه وقال له يبعد عني وميكلمنيش تاني، ومعرفش مكانه فين دلوقتي.
قضية هتك العرض حملت رقم 1151 لسنة 2017 مسلسل 6 أكتوبر، بينما حملت قضية الخلع رقم 3143 لسنة 2023.
تابع أحدث الأخبار عبر
