«طلع ديوث».. إسراء في دعوى طلاق ضرر: "جوزي عايزني أنام مع رجالة عشان كيفه"
المخدرات دمرت الكثير من الناس والأسر وخربت العديد من البيوت، العديد من الزوجات في محكمة الأسرة كان سبب لجؤهم للمحاكم هو المخدرات، وعلى وجوههن الحزن والحسرة بسبب محاولاتهن التي بائت بالفشل في معالجة أزواجهن والمحافظة على بيوتهن.
جوزي عايزني أنام مع رجالة عشان كيفه
عندما تزوجت «إسراء» زوجها خدعها الناس وأهله أنه رجل محترم ومقتدر ماديًا وسيريحها ويجعلها سعيدة في حياتهم، لكن ما لم يخبروها به أن الزوج مدمن للمخدرات، تزوجته 6 سنوات ذاقت فيهم العذاب والألم مع زوجها المدمن وتحملت من أجل ابنتها، ولكن عندما علمت أن زوجها المخدرات سيطرت على حياته فلا يمانع أن يبيع لحمه مقابل أموال للمخدرات هربت «إسراء» ولجأت لمحكمة الأسرة لتنقذ وحياتها وحياة ابنتها.
اقرأ أيضا
قالت «إسراء»: «اتجوزت من 2017 وجبت بنت عندها 3 سنين وبقالي سنة سايبه جوزي، جوزي اتقدملي عن طريق ناس معارف اتجوزنا في ست شهور بس، الناس قالولي أهله معاهم فلوس كتير وهيريحك، وأنا اطمنت لكلامهم محدش قالي إنه بيشرب مخدرات كنت فاكرة هعيش متدلعة بس اتضحك عليا».
كان بياخد البرشامة ويحلي بالحشيش
تابعت «إسراء»: «كان بيشرب مخدرات ترمادول وحشيش من قبل ما نتجوز وأنا مكنتش أعرف لكن من بعد الجواز ب 3 سنين عرفت لما سلوكه اتغير وبقي مدمن اتغير وبقى واحد تاني على طول متعصب غير طبعا الضرب والبهدلة، عالجته من الإدمان عشان بيتي ميتخربش ورجع تاني أسوء لحد ما دماغه ضاعت خالص».
اقرأ أيضا
«إسراء»: عايز يجيبلي رجالة البيت عشان ياخد منهم فلوس عشان المخدرات
أضافت «إسراء»: «كان ممكن استحمل الضرب عادي لكن اللي كان عايز يعمله ده مقدرش استحمله، سمعته بيتفق في التليفون مع واحد إنه يجي البيت ليا من غير ما أعرف وياخد منه فلوس ولما واجهته قالي عادي أنا محتاج فلوس، خفت اللي بيعمل كده في مراته بكره يعمل ايه في بنته وسيبته على طول ومشيت وأعده عند أهلي دلوقتي».
أنهت «إسراء» كلامها وقالت: «سايباه بقالي سنة مبيسالش في ولا في بنته، مش راضي يطلقني عشان ميدنيش حقي فرفعت طلاق ضرر ولسه متطلقتش لحد دلوقتي، سنة بلف في المحاكم ومش لاقيه شغل أصرف على بنتي ودلوقتي رفعت عليه دعوى نفقة عشان حق بنتي، أهله هما السبب في خراب بيتي لو كانوا وقفوا معايا ونصحوا ابنهم مكنش حصل كل ده».
تابع أحدث الأخبار عبر
