صباح في دعوى نفقة: حماتي بتقول علي كلام مش كويس من ساعة ماتجوزت ابنها
تتحمل العديد من السيدات ظروف أزواجهن الصعبة ويخرجن يوميا للعمل حتى يساعدوهم ويعطوا أولادهم حياة كريمة يستحقوها ولا يصبح ينقصهم شيء، لكن ماذا تفعل الزوجة عندما تجد زوجها يبخل عليها ولا على أبنائها وهي فقط تسعى وهو أصبح حمل زائد عليها؟.
تزوجت «صباح» في عام 2003 من ابن عمتها وأنجبت منه ولد لكن أراد الله أن يخلق هذا الطفل وعنده إعاقة جسدية حمدت «صباح» ربها على ما رزقها وأنجبت طفلين أخرين وكان أملها أن تربي أطفالها في بيتها مع زوجها ولكن ظلم زوجها وحماتها منعها من تحقيق أحلامها وجعلها تلجأ لمحكمة الأسرة حتى تحصل على حقوقها.
قالت «صباح»: اتجوزت ابن عمتي من زمان 20 سنة وعشت معاه وكنت بتقي الله فيه وفي حماتي اللي هي عمتي لكن المشاكل معاهم من زمان من ساعة ما اتجوزنا، جبت منه ولدين وبنت الولد الكبير معاق وبيحتاج جلسات كهرباء والتاني في سادسة ابتدائي والبنت في تانية ابتدائي وهو مبيصرفش علينا غير قليل.
«صباح»: بيصرف فلوسه على مزاجه
تابعت «صباح»: المشاكل من زمان كانت على المصاريف بيصرف فلوسه على القهوة وأنا عياله محتاجين ولما اشتكيله يقولي ده اللي معايا، كنت بشتغل عشان أعرف أصرف على عيالي اشتغلت كل حاجة أمسح الشقق وأروقها الشقق وكنت بمشي الدنيا عشان أصرف على عيالي.
فوق تحمل «صباح» لزوجها وعدم تحمله للمسئولية وإهماله لها ولأولادهم كانت حماتها تسيئ معاملتها بالرغم من إنها عمتها وواجب عليها أن تحافظ على ابنه أخيها وتحميها لكنها فعلت العكس وكانت السبب في خراب بيتها وطردها في الشارع ولم تعاملها بأي رحمة.
تابعت كلامها والدموع في عينها: سيبته بسبب المشاكل مع أمه كانت بتقول علي كلام مش كويس من زمان رغم انها عمتي، وهو كمان كان مبيصرفش علينا وأنا اتحملت كتير وسيبته لما حصل مشكلة مع أمه، جتلي كرتونة رمضان شافتها وطلبتها وعملت اللي هي عايزاه لكن معجبهاش برضه وشتمتني واتخانقت معاي خناقة كبيرة و كبرت الموضوع وجوزي لما جه وقف معاها وضربني وطردني وكلم أهلي وقالهم بنتكم متلزمنيش.
أنهت «صباح» كلامها وقالت: طردني من شقتي وخد عفشي معرفش حاجتي فين، بقاله أربع شهور لا بيسأل فينا أنا وعياله ولا كأنه يعرفنا، ابني الكبير معاق ومحتاج مصاريف وهو ومبيسألش فيه ومبيصرفش علينا وأنا مش معاي أصرف عليه كل ده، دلوقتي قاعدة عند أهلي وبشتغل وأصرف على قد ما أقدر على عيالي، ورفعت دعوى نفقة ودعوة تمكين.
اقرأ أيضا
