سلوى في محكمة الأسرة: «خطف بنتي وبقالي 3 سنين معرفش طريقها»
على أعتاب محكمة الأسرة تواجدت «سلوى» الأم التي تم حرق قلبها على ابنتها ولم تراها من سنين وخطفت منها غدر وطوال 3 سنين التي لم ترى فيهم ابنتها عاشت والدموع لم تجف من على خدها بسبب فراق ابنتها عنها.
تزوجت «سلوى» “وكانت تظن أن زوجها سيكون ضهرها وسندها في الدنيا لكن ما رأته منه كان القسوة، لكن تحملته على أمل أن ينصلح حاله ويصبح شخص أفضل لكنه كان يخونها ويجرحها ويهينها ولم يقدر تحملها له، فتركها هي وابنتهم وحدهم، وعندما كبرت ابنته وأصبحت واعية خطفها من حضن أمها منذ 3 سنين فقط ليحرق قلب أمها عليها، بحثت «سلوى» في كل الأماكن عن ابنتها ولكنها لم تجدها حتى وصلت في النهاية لمحكمة الأسرة حتى تجد حل لمشكلتها”.
اقرأ أيضا
كان بيعرف عليا ستات ويضربني لما اوجهه
قالت «سلوى»: “ أتجوزت من 2017 كان جواز صالونات، من ساعة جوازنا كان في مشاكل بيني وبينه، بس كنت بستحمل واعدي عشان أعيش ومخربش بيتي، لكنه كل مادى كان بيبقى أسوء، كان بيعرف عليا ستات كتير وكنت بعرف من تليفونه، ولما أواجهه ميهموش ويضربني لما أقوله اللي بيعمله ده مينفعش، بس كان بيضرب الضرب العادي اللي كان ممكن اتحمله” .
رمى عليا يمين الطلاق وسابني أنا وبنتي
تابعت «سلوى»: المشاكل كل مادى كانت بتزيد والعيشة معاه كل مادى كانت لاتحتمل زهقت ونفسيتي تعبت من اللي بيعمله معايا، ومحدش كان واقف معايا حتى اهله مش بيساعدوني ولا بيقفوا جنبي مكنوش قادرين عليه، لحد في مرة عمل معايا مشكلة وضربني ورمي عليا يمين طلاق وبنتي عندها 8 شهور، واخد حاجتي ومبيصرفش من ساعتها ولا بيسأل عليا أنا وبنته.
اقرأ أيضا
بقالي 3 سنين معرفش طريق بنتي
أضافت «سلوى»: “ولما بنتي كبرت خدها وقالي هتعد معايا يومين واختفى من ساعتها ومش عارفة مكانه ولا مكانها، واخد مني بنتي عشان يلوي دراعي، حاولت ارجع بنتي لكن معرفش مكانه دورت في كل مكان 3 سنين مش عارفة هي فين، رحت البلد بتاعت اهله ملقتهوش برضوا، رفعت دعوى تمكين واترفضت لأن مش لاقيينه، رفعت دعوى نفقة وباع كل محلاته عشان يثبت أن معهوش فلوس يدفع النفقة، رفعت أخر حاجة دعوى طلاق ضرر من قريب أقل من سنة”.
تابع أحدث الأخبار عبر
