«اختفى ومعرفلوش طريق».. ولاء في محكمة الأسرة: "بيصرف على ولاد مراته وعياله لأ"
أمام محكمة الأسرة تواجدت «ولاء» وفي عينيها الحسرة والألم على سنين عمرها الضائعة مع زوج خائن لم يقدر حياتهم والأسرة التي بنوها سويا وانتهى الأمر به تزوج من سيدة صغيرة السن أصغر منه بـ 10 سنين وترك زوجته وأولاده واختفى من على وجه الحياة،هنا كان قرار الانفصال هو الحل الوحيد.
قالت ولاء: اتجوزته من زمان اوي من سنة 1969 واتطلقت في 2017 يعني 20 سنه جواز وحياتنا كانت طبيعية جدا وكانت مشاكلنا عادية والدنيا ماشية لكنه غدر بيا ومتوقعتش انه يعمل معايا كدة أبدا، طول عمره كانت عينه فارغة بيبص للستات تانية وكنت بتحمل عشان الولاد لحد ما اتغير وعرفت ان سبب تغيره كدة انه اتعرف على وواحدة تانية وضحكت عليه المشاكل كترت في حياتنا لما اتعرف عليها كان يسيب البيت ويسافر معاها ويقول بشتغل لحد ما عرفت بالصدفة من صحابه إنه اتجوز.
ولاء: سابني بعد 20 سنة جواز واختفى معرفلوش طريق
صدمة «ولاء» في زوجها كانت كبيرة فبعد كل هذه السنين من الزواج لم تتوقع أن يتركها هي وأولادهم في ليلة وضحاها وينساهم، لكن ما فعله زوجها بعد زواجه جعلها تلجأ لمحكمة الأسرة فمنذ زواجه ترك «ولاء» وأولادهم وحدهم واختفى ولا تعرف طريقه حتى الآن.
تابعت «ولاء»: «من بعد ما اتجوز اختفي معرفش مكانه من ساعتها بقاله 7 سنين بسمع اخباره من الناس كدة، مبيصرفش على ولاده ولا جنية ولا أكل ولا شرب ولا مصاريف خالص وعايش حياته وبيتفسح، ورفعت خلع لما لقيتو مبيصرفش على ولادي وباعنا كأنه نسي الـ20 سنة اللي فاتوا».
أضافت «ولاء»: «دلوقتي رافعة قضية نفقة وخدت حكم مش عارفة انفذ عشان هربان ومنعرفش مكانه ،ولادي كبار في الجامعة دلوقتي وانا اللي صرفت عليهم وخدت قروض عشان فلوس دروسهم عشان ربنا يكرمهم ويدخلوا الجامعة وميحتاجوش لحد لكن المعيشة صعبة ومش قادرة اتحمل كل حاجة لوحدي».
جوزي بيصرف على ولاد مراته ومبيصرفش على ولاده
أكملت كلامها: «بسببه بستلف وبتداين وبتنقل من شقة لشقة بسبب فلوس الايجار المتأخرة عليا ومعيش فلوس ادفع المصاريف الجامعات والمدارس وهو أخر حاجة عرفتها عنه انه اللي اتجوزها معاها عيال وهو اللي بيصرف عليهم ومبيصرفش على ولاده لحمه ودمه، أنا مسلمه امري لله ومش عايزة غير اني اربي ولادي واشوفهم مرتاحين وعوضي على الله في السنين اللي ضاعت».