عزة في محكمة الأسرة: جاب مراته الجديدة اللي قد أمه تعيش في بيتي وطردني
تزوجت عزة من ابن عمتها وهي في سن الـ 20 عامًا كانت تظن أنه سيحميها ويرعاها لأنه ابن عمتها وزوجها لكن بعد 7 سنوات زواج انتهت القصة في محكمة الأسرة، فالرجل الذي كانت تظن أنه سندها في الحياة، تزوج غيرها وأحضر زوجته الثانية لتعيش معهما في شقة الزوجية.
قالت «عزة» : جوزي كان ابن عمتي اتجوزته وأنا لسه صغيرة، عشت معاه 7 سنين جبت طفل واتوفى ومخلفناش تاني، كان جنبي طول الوقت ومعايا كان بني آدم كويس وفي آخر سنتين جواز اتحول وبقى بني آدم تاني.
اكتشفت من سنتين أنه كان يعرف واحدة عليا ودورت عشان أعرف هي مين عرفت إنه اتعرف عليها عن طريق واحد صاحبه، كانت ساكنة معانا في المنطقة، وأكبر من جوزي بـ 10 سنين كنت بحاول معاه أنه يسيبها لكنه اتخلى عني واتجوزها.
عزة:معملش حساب أي حاجة أنا عملتها عشانه
اتصدمت عزة في زوجها فبعد ما مروا به سويا من خسارة ابنهم ودخوله السجن وأزمة مرضه وتعاطيه للمخدرات في كل هذه الأزمات لم تتخلى «عزة» عن زوجها ولم تتركه وبقيت بجانبه تدعمه وترعاه وظنت ان بعد ما مروا به سيبقول سويا ولن يفرق بينهم أي أحد ولكن خيانة زوجها كانت مفاجاه لم تتوقعها ولم تستطع تجاوزها.
تابعت حديثها وقالت: عشت سنين معاه اتحملت شتيمة وأهانة وضرب ونزلت اشتغل عشان اساعده كنت بسد ديونه وحاولت أنه يتعالج، بعد لما ابني اتوفى حاولنا تاني أننا نخلف وعملنا عمليات حقن مجهري، لكنها فشلت بسبب إنه كان بيشرب مخدرات أثرت على موضوع الخلفة، كان الأول بيشرب حشيش، اللي كان يعرفها علي هي اللي خلته يتعاطى مخدر الآيس.
أكملت وقالت: كان بيضربني آخر فترة جامد عشانها وهي كانت بتبعتلي حجات على التليفون، من قبل ما يتجوزوا عشان تعرفني أنهم على علاقة ببعض وسيبت له البيت ساعتها واتجوزها وجابها عايشين على حاجتي وفرشي، سيباه بقالي 6 شهور مش عايز يطلق ويديني حقوقي، رفعت عليه قضية خلع وقائمة عايزة حقوقي، ومش عايزة منه حاجة وعوضي على الله في اللي ضيعته معاه.
تابع أحدث الأخبار عبر
