حنان في دعوى خلع: "كان بيدخلني الحمام ويدلق عليا ميه ساقعة في الشتا"
«حنان» سيدة طيبة بسيطة عندما كسرت الثلاثين من عمرها وافقت على الزواج من أول شخص تقدم لها خوفًا من نظرة المجتمع لها والخوف أن تعيش وحدها بعد وفاة أبيها لم تكن تعلم أنها ألقت بنفسها في التهلكة عند زواجها من هذا الوحش الذي سيدمر حياتها للأبد.
عاشت «حنان» مع زوجها 14 عامًا وتحملت قسوة وتعنيف مستمرين من زوجها الذي انعدم في قلبه الرحمة ولم يتق الله فيها وأولادهم الثلاثة، وبعد كل هذه السنين من التحمل فاض الكيل بـ«حنان» واستغلت أول فرصة وهربت لتنجو بحياتها هي وأولادها ولجأت لـ محكمة الأسرة كطوق نجاة لها لتحصل على حقوقها .
«حنان»:اكتشفت إنه متجوز ومخلف بعد الجواز
قالت «حنان»: “اتجوزته في 15 يوم كان عندي 31 سنة قابلته في المستشفى في جلسات علاج والدي، سيبته في سنة 2020 بعد 14 سنة من الضرب والتعذيب والإهانة، ومشاكل على كل حاجة كان بيستقوى عليا عشان مكنش ليا حد بيتحول لشخص تاني، كان فاتحلي راسي 4 سنتي قبل كده في مشكلة، وكان يدخلني الحمام ويطفي النور، ويدلق عليا ماية ساقعة في الشتا، وحاولت أسيبه كتير مرة منهم مضاني على وصولات أمانة وحبسني في قسم الهرم وخرجني لما قلتله هعيش ومش همشي”.
مسحت «حنان» دموعها وأكملت قائلة: "اتجوز 5 وأنا كنت التالتة كل واحدة اتجوزها خد منها كل حاجة ومطلقهاش وكان مفهمني أنه مطلق واكتشفت بعد كده إنه مش مطلق وعنده بنت وكان سايبهم لما هددني إنه يجبها تعيش معايا في نفس البيت وافقت وهي اللي رفضت واتطلقت منه، مع زيادة المشاكل حاولت اسيبه تاني ورجعت تاني لأن مكنش ليا مكان اروحه ولما رجعت لقيته واخد حاجتي ومتجوز بيها فرشت سجادة ونمت على الأرض ورضيت قلت أعيش أربي عيالي لان مكنش ليا حد مراته لما عرفت انه رجعني خلعته، اتجوز تاني بعدها عليا واكتشفت بعد كده إنه طلقني عشان هي قالتله مش عايزاه يكون متجوز ورجعني بعد ما اتجوزها، كل ده وانا معرفش عرفت من السجل وانا بطلع شهادة ميلاد بنتي.
عشت على البلاط ورضيت إن يبقى ليا ضره عاشت فوق عفشي
بعد كل محاولات «حنان» في إنقاذ نفسها وأطفالها يأست من المحاولة وقررت أن تعيش مع زوجها لكنه استمر في القسوة والعنف والغضب أكثر فأكثر وأصبح لا يحتمل ويستحيل العيش معه وعندما فاض الكيل بها قررت أنها ستنقذ نفسها وأولادها وستهرب من هذا الجحيم.
حكت «حنان» عن المشكلة التي جعلتها تهرب من زوجها وتقرر عدم العودة له أبدا وقالت: كنا في العيد وبعد ما فطرنا مسكني وضربني أنا وعيالي من غير سبب لما العيال جريو عشان يستنجدوا بحد يلحقنا خنقهم وضربهم، استنيته دخل الحمام وهربت انا وولادي، مشيت بالهدوم اللي عليا مخدتش هدومي ولا حاجتي اللي اتجوزها دلوقتى خدت كل حاجة، سيبته عشان الحق نفسي وولادي ورحت بيت أبويا وعشت على الأرض ودلوقتي بشتغل وبصرف عليهم.
رفعت «حنان» على زوجها دعوى نفقة رقم القضية 3283 لسنه 2022، حتى تستطيع أن تصرف على أولادها وتعطيهم الحياة التي يستحقوها.
تابع أحدث الأخبار عبر
