نهى للقاضي: جوزوني ابن عمي بالعافية عشان الأرض وبيصبحني كل يوم بعلقة
في سن العشرين كانت نهى في الجامعة والحياة أمامها تفتح لها ذراعيها، أخذ أهل نهى قرار زواجها من ابن عمها للمصلحة، ومن وقتها تحولت حياتها لجحيم مستمر بسبب قرار لم تتخذه واضطرت أن تتحمل عواقبه الأليمة هي وأولادها.
حياة نهى المأساوية مع زوجها
بدأت نهى في رواية أزمتها مع زوجها قائلة: اتجوزت من 15 سنة، أهلي غصبو علي اتجوز ابن عمي عشان المصالح والشراكة والأراضي متروحش لحد غريب، مكنش متعلم ومكنتش بحبه بعد رفض كتير مني ضغط أهلي علي لحد ما وافقت".
تابعت نهى حزينة على سنوات عمرها الضائعة:"من أول حياتنا وأنا مش مبسوطة معاه، المشاكل من أول ما اتجوزنا وكان بينا عدم توافق، عدم حب عدم راحة وعدم تكافؤ".
رضيت نهى بنصيبها وعاشت حياتها مع زوجها وأنجبت منه ولدا وبنتا، ومع الوقت كثرت المشكلات بينهما وتدمرت الزوجة وطفليها، وزادت المشكلات بينهما فكان يتعمد ضربها وتعنيفها حتى يثبت لأهله الذي يعيشون معهم في بيت العائلة أنه راجل ويتحكم في زوجته.
قالت نهى عن عنف زوجها معها:" الخناقات كانت بسبب ومن غير سبب الضرب والإهانة كانو بأشكال كتير كان بيحاول يفقأ عيني وبيخقني عشان يموتني ويجبني من شعري يطردني من البيت في نص الليل بهدوم البيت، لحد أخر مشكلة قررت اسيبه بعد 11 سنة جواز ضربني في ضهري حصلي انزلاق غضروفي فضلت نايمة في السرير شهرين عرفت إني لو كملت معاه هيموتني، رفعت عليه قضية خلع ".
أوضحت نهى عن قضية النفقة:"مبيصرفش على ولاده من 4 سنين عندي أربع ولاد أنا وأبويا اللي بنصرف عليهم، حتى وأنا معاه كان بيديني فلوس قليلة ومكنش بيشتغل أهله اللي كانو بيصرفو عليه".
جوزي وأهله يستنوني على السلم عشان يضربوني
عندما طلبت نهى المساعدة من الأهل رفض أبوها الطلاق خوفا من نظرة المجتمع لهم وأهل طليقها دافعو عن ابنهم، ولم يمدو لها يد العون قالت نهى عن أهل طليقها:" بعد الطلاق ولما تمكنت من الشقة تعدو علي بالضرب أنا وولادي في بيتي عايزين يخرجوني منه بيقطعو المية والنور ولادي مبيتفرجوش علي التلفزيون بقالهم سنة، أهله عايزني أزهق وامشي أسيب البيت بيقف ع السلم هو واخواته عشان يضربونا".
أكملت نهى حديثها عن أزمتها قائلة:" كان يجبرني على الخلفة كنت بشيل وسيلة منع الحمل وأرجعها في نفس اليوم لأنه كان بيحلف علي بالطلاق إني اشيلها، حملت في الآخر وجبت تؤام وانفصلت منه وأنا حامل فيهم 2020 ومشافهمش من ساعة ما اتولدو مع إنه عايش في الشقة اللي فوقي ومتجوز، ولادي الكبار ملهمش علاقة بيه بسبب اللي شافوه منهم طول حياتهم".
تابع أحدث الأخبار عبر
