أخبار محكمة الأسرة اليوم
منى لقاضي الأسرة : بنتي اقنعت أبوها إنه ميردنيش لزمته
دعوى نفقة في محكمة الأسرة رفعتها «منى» على والد أطفالها الذي عاشت معه حياة ملأها الألم والفقر والحاجة، ورغم محاولاتها العديدة في أن تصلح بيتها وأسرتها من أجل أبنائها، كان الانفصال عنه شئ حتمي، لكن بالرغم من تركها له لم يرحمها أو يعطيها أي من حقوقها، واضطرت أن ترفع عليه قضية في محكمة الأسرة.
قصص محكمة الأسرة..اتحملت اللي محدش يستحمله
قالت «منى» في بداية حديثها: «أنا اتجوزت أبو ولادي من 18 سنة وخلفت منه بنت وولد، وسيباه دلوقتي بقالي 5 سنين، كان جوازنا عادي زي أي اتنين عادي، في أول الجواز كان كويس ومفيش منه مشاكل كان راجل عادي جدا، المشاكل بدأت بعد الخلفة والمسؤولية، شفت معاه حياة صعبة واتحملت اللي محدش يستحمله».
دعاوي محكمة الأسرة..أخويا طلقني من جوزي
أكملت كلامها قائلة: «مشاكله كانت كتير جدا بس أكبر مشكلة كانت بسبب إنه مبيصرفش عليا و لا على ولادي اللي إحنا محتاجينه، كنت بصبر ومرضتش أطلق منه عشان خاطرهم ميتبهدلوش، كنت بتهزق واتضرب تقريبا كل يوم، لحد ما أخويا قالي مينفعش تكملي معاه وخلاني اتطلقت منه، وهو من ساعتها مسألش في ولاده ولا فيا، ومشكلة المصاريف كملت بس على الأقل مبقاش فيه بهدلة زي اللي كنت عايشة فيها».
حكايات محكمة الأسرة..رفعت نفقة عشان بنتي
تابعت حديثها قائلة: «اتجوزت تاني بس مكملتش معاه كتير لأن لقيته نفس الحاجة مبيصرفش ومباخدش منه جنيه وعايز يعيش وأنا اللي أصرف عليه، رفضت أكمل معاه واتطلقت منه بعد سنة جواز عشان مكررش غلطتي، جوزي الأول كنت لسه في مشاكل معاه لأنه مبيصرفش وأنا مش قادرة على مصاريف العيال لوحدي، ودلوقتي بيهددني لو عايزاه يصرف على العيال أرجعله تاني وده استحاله، لحد ما بنتي فهمته إني رجعت لجوزي التاني عشان ميقوليش أرجع لزمته تاني، هي اللي بقت رافضة إني أرجع لأبوها رغم حبها ليه، وجيت المحكمة عشان أرفع قضية نفقة عشانها»
تابع أحدث الأخبار عبر
