أخبار محكمة الأسرة
حياة لـ محكمة الأسرة: أهل جوزي مش عايزني ابقى مرات ابنهم
دعوى نفقة رفعتها «حياة» على زوجها في محكمة الأسرة بعد أن عاشت معه حياة صعبة تسبب فيها أهله ومعاملتهم الصعبة لها، منذ دخولها بيتهم كانت نيتها أن تعاملهم معاملة حسنة دون افتعال أي مشاكل واعتبرتهم أهل لها ولكن ما وجدته منهم كان القسوة محاولاتهم خراب بيتها ادعائهم الطيبة أمام الزوج، الذي صدق أهله ورفض تصديق زوجته مما جعل الحياة معه مستحيلة
قصص محكمة الأسرة.. رضيت ببيت العيلة
قالت «حياة» في بداية حديثها: «أنا متجوزة من 13 سنة أنا وجوزي مكناش نعرف بعض كويس قبل الجواز، لما اتقدملي عرفت إننا هنتجوز في بيت عيله، وافقت عشان معظم الناس حوالينا البنات لما بتتجوز بتقعد في بيت العيلة عادي، هو كان كويس جدا ومحترم من أيام الخطوبة ومفيش منه مشاكل ».
دعاوي محكمة الأسرة.. مش عايزني ابقى مرات ابنهم
أكملت كلامها قائلة: «من أول ما دخلت بيت أهله وحسيت أنهم مش بيحبوني ومش عايزني ابقى مرات ابنهم، ولحد دلوقتي مش عارفة عملوا معايا كدة ليه انا كنت بتقي ربنا فيهم وفي ابنهم وعمري ماغلطت في حقهم، في الأول كانوا كويسين عادي ولما بتحصل مشكلة بتبقى زي أي بيت ، وأنا كنت بتحمل المشاكل وأكبر دماغي وبالذات بعد ما خلفت قلت امشي دنيتي احسن».
حكايات محكمة الأسرة..بيعاملوني وحش من وراه
تابعت حديثها قائلة : «جوزي كان بيشتغل في محافظة تانية غير اللي كنا عايشين فيها من ساعة ما اتجوزوته واحنا على الضوع ده يغيب بالشهر والاثنين بسبب شغله، كانت برضوا الدنيا ماشية هو بيبعت مصاريف ليا وللعيال والدنيا كانت تمام، المشكلة كانت في أهله كانوا بيبهدلوني وهو مش موجود شتينة وبهدلة وكانت بتوصل امه بتحدفني بالشبشب ولو اشتكيت لجوزي يقولوا محصلش واحنا مش قصدنا عشان ميصدقنيش»
قضايا محكمة الأسرة..سيبت جوزي بسبب أهله
أنهت حديثها قائلة: «فضلنا سنين على الحال ده قصاد جوزي كويسين ومن وراه مبهدلني ومطلعين عيني خلوني كرهت حياتي ولما طلبت من جوزي اعيش بعيد عنهم بسبب المشاكل مسمعش كلامي وقال عليا بتاعت مشاكل وأهله كويسين ورحت عند أهلي بقالي دلوقتي سنتين، وسيبت جوزي بسبب الخلافات العائلية وجيت ارفع قضية نفقة لانهم مقوينه عليا ومش يخلوه يصرف على عياله ».
تابع أحدث الأخبار عبر
