أخبار محكمة الأسرة اليوم
مش عارف ابنه في سنة كام.. هدير تحكي مأساتها في محكمة الأسرة
رفعت «هدير» دعوى في محكمة الأسرة بعد خلافات دامت 10 سنوات مع زوجها الذ منذ دخوله حياتها لم يقدرها أو يحترمها أو يصرف عليها ما تحتاجه هي وابنائها، حاولت الزوجة بكل الطرق أن تحافظ على أسرتها ولكن ما وجدته في حياتها هي القسوة والمعاملة السيئة، تركها زوجها مع والدتها تتحمل مسؤوليتها، وعندما تذكر أن لديه أسرة كانت الزوجة بالفعل في المحكمة تبحث عن حقوقها.
قصص محكمة الأسرة.. اتجوزت عن طريق المعارف
بدأت «هدير» حديثها وقالت: «أنا متجوزة بقالي 21 سنة، جوزي كان يعرفني عن طريق ناس كانوا يعرفوني ويعرفوه، بعدما اتقدملي سألنا عليه وطلع كويس ومحترم وده اللي خلاني وافقت عليه واتجوزته وفي أول الجواز كان كويس لكن بعد أول سنتين بقى حد تاني».
دعاوي محكمة الأسرة..اتحملته عشان ولادي
أكملت حديثها قائلة: «بعد الجواز المشاكل اللي بجد بانت كان بني أدم ميتعاشرش، كان مبيصرفش وبيعاملني معاملة مش كويسة الشتيمة والضرب عنده أسهل حاجة بيغلط فيا ويبهدلني حتى لو معملتش حاجة، فضلت سنين معاه مستحملة الفقر والمشاكل بس عشان خاطر ولادي ميتبهدلوش من غير ابوهم».
حكايات محكمة الأسرة..بقاله 10 سنين مش بيسأل
تابعت حديثها قائلة: «كنت بغضب عند أهلي كل ما يضربني كنت بغضب كتير، كل مرة كان بيرجعني البيت عادي، بس أخر مرة مرجعنيش سابني عند أهلي ومرضيش يرجعني تاني، أهله حاولوا يخلوه يرجعني لكن مفيش فايدة معاه سابني ومسألش فيا تاني، كان من 10 سنين ومن ساعتها مسألش فيا ولا في ولادي».
قضايا محكمة الأسرة.. قضية نفقة
أنهت الزوجة حديثها قائلة: «أمي هي اللي كانت بتصرف علينا، ولما ماتت بقى يصرف بس قليل جدا، أول مرة اتصل وسأل على ابني الكبير كانت عشان يسأل بقى في سنة كام كان بعد وفاة والدتي بسنة، جيت عشان أرفع عليه قضية نفقة عشان خاطر حق ولادي».
تابع أحدث الأخبار عبر
