أخبار محكمة الأسرة اليوم
سارة لـ محكمة الأسرة : عمي عايز يطردنا من البيت
تواجدت «سارة» في سن العشرين مع والدتها في محكمة الأسرة، حتى تساندها في أخذ حقها وحق أخواتها، وبالرغم من صغر سنها تواجدت ووقفت في وجه ظلم والدها وعمها لهم، عمها الذي ظل مسيطر على والدها حتى جعله يتركهم يواجهوا الدنيا وحدهم، بعد سنين عذبهم فيها ولم يمد لهم يد العون وتركهم أمام محكمة الأسرة يبحثوا عن حقوقهم.
قصص محكمة الأسرة.. أبويا سايبلنا البيت ومشي
قالت «سارة» في بداية حديثها: «أنا جاية مع أمي رافعة على أبويا قضية خلع ونفقة، بقالها سنة رافعة عليه القضايا وهما منفصلين من شهر 7 اللي فات، ومن ساعتها احنا قاعدين مع أمي، هو سايبلنا البيت وقاعد في شقة بره لوحده وملوش علاقة بينا من ساعتها ولا بيسأل علينا ولا بيصرف، واحنا 8 أخوات 6 بنات وولدين، رمى مسؤليتنا كلها على أمي لوحدها وعامل نفسه معندوش عيال».
دعاوي محكمة الأسرة..عايزنا نسيب التعليم ونشتغل
أكملت «سارة» حديثها وقالت: «المشاكل مع أبويا من زمان كان سبب المشاكل إنه عايز يمشي البيت على مزاجه وعايزنا نسيب التعليم وعايزنا ننزل نشتغل، هو كان بيصرف علينا عادي بس الناس لعبوا في دماغه خلوه مبقاش بيصرف علينا خالص، والمشاكل مع أمي من ساعة جوازهم».
حكايات محكمة الأسرة.. مبيصرفش علينا من ساعة ما أمي رفعت قضايا
تابعت «سارة» حديثها قائلة: «ابويا سابلنا البيت ومشي وعارفين هو فين خد شقة وراح قعد فيها لوحده وسابنا عشان يغلطنا عشان لو أمي اشتكت يقول إنه عنده شقة وهي اللي مش راضية تعد معاه فيها، وأمي اضطرت ترفع عليه قضايا في المحكمة ومن وقتها وهو من ساعة ما أمي رفعت القضية هو مبيصرفش كان بيصرف قليل الأول ولما رفعت القضية مبقاش يصرف خالص».
قضايا محكمة الأسرة..عمي عايز يطردنا من بيتنا
أنهت «سارة» حديثها قائلة: «كل اللي حصلنا ده بسبب عمي، هو بيقوله متصرفش عليهم ولا تسأل فيهم مقصر عليه من زمان و لحد دلوقتي أخوه مقصر عليه ومخليه متمسك برأيه، وعمي حاول يطردنا هو ومراته وعياله من البيت أحنا 6 بنات أخوات واخواتي الولاد الصغيرين بعد المشاكل دي، بس احنا رفضنا نخرج من البيت وقلنا ملكوش عندنا حاجة».
تابع أحدث الأخبار عبر
