أخبار محكمة الأسرة اليوم
الورث عمى عنيهم.. آلاء في محكمة الأسرة: أهل أبويا غدروا بيا عشان الفلوس
كانت «آلاء» في محكمة الأسرة بعد تعرضها للغدر من أقرب الناس لها في الحياة؛ بعد خسارتها لوالدتها ووالدها وأصبحت يتيمة؛ بدلًا أن يمدوا لها يد العون والمساعدة ما وجدته من عماتها أخوات من أبوها قسوة القلب والشدة عليها حتى طردوها من بيتها وتركوها تلجأ لمحكمة الأسرة لتحصل على حقوقها.
الورث عمى عنيهم.. آلاء تستنجد بـ محكمة الأسرة
واجهت «آلاء» الدنيا وحدها وهي مازالت في بداية حياتها وفي سن الـ 20 حملت ألم أكبر من سنها واضطرت أن تكون المسؤولة عن البحث عن حقوقها.
قصص محكمة الأسرة.. أمي اتوفت من زمان وسابتني أنا وأبويا لوحدنا
قالت «آلاء» في بداية حديثها: «أنا عندي 20 سنة ومعنديش اخوات أمي اتوفت من زمان وأنا كنت صغيرة جدا، سابتني أنا وأبويا لوحدنا وكان ملناش حد في الدنيا غير بعض كنت أنا وهو بس والحياة كانت طبيعية عادي وهو كان بياخد باله مني ورباني».
حكايات محكمة الأسرة.. أبويا مات وسابني لوحدي في الدنيا
تابعت «آلاء» حديثها قائلة: «لحد من 4 سنين أبويا اتوفى فجأة مات بسكتة قلبية كان كويس ومفيش حاجة، كانت صدمة عليا ومكنتش عارفة أعمل ايه لما مات وسابني لوحدي، وبعد وفاته المشاكل بدأت بسبب أهل أبويا عماتي بهدلوني ومحدش فيهم رحمني».
دعاوي محكمة الأسرة.. أهل أبويا طردوني في الشارع عشان الورث
أضافت «ألاء»: «عماتي استغلوا وفاة أبويا وطردوني من البيت ورموني في الشارع كل ده عشان ياخدوا ورث أبويا كله ليهم، أنا مكنش ليا أي علاقة بيهم قبل كدة كانت علاقة سطحية طول ما أبويا كان عايش، محدش فيهم كان بيسأل فينا ولا ليه دعوة بينا، لكن لما مات كلهم اتلموا على الورث عشان يسرقوه».
قضايا محكمة الأسرة.. عماتي رفعوا عليا قضية نسب
أنهت «ألاء» حديثها قائلة: «دلوقتي رافعين عليا قضية نسب عشان معرفش أخد ورث أبويا اللي هو حقي، دلوقتي بقالهم ٣ شهور رافعينها أول ما طالبت بورثي رفعوا القضية وطردوني من البيت ورموني في الشارع رحت وقتها قعدت عند خالي، واتبهدلت من وقتها في المحاضر والأقسام عشان اعرف أخد حقي من ورث أبويا».
تابع أحدث الأخبار عبر
