محكمة الأسرة وغرائبها.. لميس: رماني أنا والعيال عشان واحدة معاها قرشين
وصلت “لميس” لأعتاب محكمة الأسرة وهي تحمل الألم والحسرة على ما شهدته من زوجها الذي اعتبرته عوضها في الدنيا وسندها وضهرها ووالد أطفالها، لكن ما وجدته من زوجها هو القسوة والخيانة عندما نسى سنين العشرة التي عاشوها سويًا، وتركها من أجل سيدة مقتدرة ماديًا لتصرف عليه وتحقق أحلامه، متناسيًا زوجته وأبنائه ليتركهم دون سند، واضطرت أن تتوجه لمحكمة الأسرة لتحصل على حقوقها وحقوق أبنائها الذي أصبحوا مسؤوليتها وحدها.
قصص محكمة الأسرة.. أتجوزت بعد قصة حب كبيرة بيني وبين جوزي
قالت «لميس» في بداية حديثها : «أنا اتجوزت من ١٢ سنة كان جواز عن حب أنا وجوزي كنا بنحب بعض جدا على طول بيقول عليا حب عمره، اتجوزنا وخلفنا ولدين وبنت الحياة كانت عادية كنا زي أي اتنين متجوزين وحتى المشاكل بينا كانت عادية وبتتحل».
حكايات محكمة الأسرة.. كنت صاينة بيت جوزي
تابعت «لميس» حديثها قائلة: «ظجوزي ظروفه كانت صعبة شوية كان الفلوس اللي بتيجي بتبقى على القد بس ويدوبك بتكفينا بس أنا كنت بحاول اقف معاه وامشي الدنيا واقول عشان خاطر ولادي وكفاية إنه بيشتغل وبيصرف، كنت بصونه وبصون بيته ومش مخلياه في حاجة ناقصاه».
دعاوي محكمة الأسرة.. استحملت أفضل على ذمته وهو متجوز
أضافت الزوجة: «لحد ما اتعرف على واحدة مش عارفة فين ظهرت وحده بفلوس خطفته فجأة مشي وسابنا وراح اتجوزها عليا دون علمي، كانت صدمة عليا وبالرغم من كدة اتقبلت الوضع عشان بحبه وعشان العيال متتبهدلش وافقت إني أفضل علي ذمته حتي لو في ضره استحملت على امل الرجوع بس مراته الجديدة اللي اشترته بفلوسها رفضت وقالتله يطلقني وفعلا طلقني غيابي من غير ما اعرف حتى وعرفت أنه مطلقني من 5 شهور ».
قضايا محكمة الأسرة.. مش عايزني أنا وولاده ولا احنا بقينا عايزينه
أنهت «لميس» حديثها قائلة: «من قبل ما يطلق حتى وهو مبيسألش فينا ولا بيصرف علينا خالص وأنا اللي كنت بتصرف وأمشي الدنيا لكن مفيش فايدة معاه، جيت المحكمة عشان أرفع قضايا نفقة عليه عشان أخد حقي أنا وولادي هو خلاص عايش مع مراته ومش عايز حد غيرها واحنا كمان مبيقناش عايزينه».
تابع أحدث الأخبار عبر
