أخبار محكمة الأسرة اليوم
محكمة الأسرة .. عايدة: استحملت بهدلته عشان خاطر العيال وخايفة أخد حقي
توجهت عايدة لمحكمة الأسرة بعد سنين تحملها لزوجها والد أبنائها وكانت تأمل ان تعيش حياة مستقرة معه ويعود زوجها لحاله مثل قبل الزواج لكن ما وجدته الزوجة طوال سنين حياتها مع زوجها هو الألم والقسوة والبخل عليها، حتى اضطرها في النهاية أن تتوجه لمحكمة الأسرة حتى تحصل على حقوقها التي منعها زوجها عنها طوال سنين زواجهم وكانت تحمل الألم والحسرة على ما شهدته في حياتها.
قصص محكمة الأسرة.. اتجوزت جواز تقليدي
قالت «عايدة» في بداية حديثها: «أنا اتجوزت من 20 سنة خلفت من جوزي بنتين وولدين أصغرهم عنده 18 سنة دلوقتي، كان جواز تقليدي اتعرفت عليه عن طريق ناس قرايبي، ولما اتقدملي كان كويس جدا ومحترم و طيب ومفيش منه مشاكل لكن بعد كدة المشاكل كلها بانت وبعد كدة كانت بتزيد».
دعاوي محكمة الأسرة.. عايشة في عذاب بقالي 20 سنة
أكملت الزوجة حديثها: «عيشت معاه عذاب لمدة 20 سنة بهدلني أنا والعيال ضرب وإهانة وشتيمة على كل حاجة كنا لو قلنا كلمة واحدة بس متعجبهوش منلاقيش منه غير الإهانة، كان مبيصرفش غير على القد ولو طلبت منه زيادة ميسألش ويقولي ده اللي عندي».
قضايا محكمة الأسرة.. طردني لما طلبت منه الطلاق
تابعت «عايدة» كلامها: «كملت معاه كل السنين دي على أساس إنه يتغير ويبقى أحسن لكن مفيش فايدة، استنيت ولادي يكبروا ويبقوا يعتمد عليهم عشان ميتأثروش بانفصالنا ويتبهدلوا لكن تعبت منه ومبقتش قادرة اتحمل خلاص قررت اسيبه لما خلاص زهقت منه ومن الحياة معاه هو مبيتعدلش ومش هيتعدل ولما طلبت الطلاق رفض وقالي عندك المحاكم وطردني أنا والعيال».
حكايات محكمة الأسرة.. خايفة أرجع أخد حاجتي يحبسني
أكملت «عايدة» الحديث وقالت: «بعد ما سيبته بفترة كلمني وقالي أنه خلاص موافق على الطلاق، بشرط أني أبريه ومخدش منه حاجة ولا أخد من البيت حاجة غير هدومي بس، خفت حتى أرجع عشان أخد حاجتي ليعملي كمين ويحبسني وميخرجنيش من البيت تاني وأرجع للعذاب اللي عيشت فيه طول السنين دي، جيت أرفع عليه قضية طلاق للضرر عشان أقدر أخد حقي منه».
تابع أحدث الأخبار عبر
