أخبار محكمة الأسرة
محكمة الأسرة.. هنا بدعوى نفقة: بخيل وعايز أبويا يصرف عليه
كانت محكمة الأسرة هو الحل الذي لجأت له «هنا» حتى تحصل على حقوقها المادية التي منعها زوجها عنها، منذ زواجها منه بعد قصة حب اكتشفت انه رجل لا يصلح أن تبني معه أسرة بسبب بخله عليها بأمواله ومشاعره، وظل يضغط الزوج على زوجته واتكل على والدها في تحمل مسؤلية بيته وزوجته وابنه، حتى أوصلها في النهاية لأبواب محكمة الأسرة تبحث عن حقوقها.
قصص محكمة الأسرة
اصطدمت «هنا» من بعد زواجها بحقيقة الواقع الذي كانت لا تعلم ما يخفي لها وتحولت أحلامها في دخول القفص الذهبي لكابوس مؤلم.... بدأت «هنا» حديثها عن زواجها وقالت: «أنا اتجوزت من 5 سنين، الجواز حصل بعد شهرين خطوبة بس، اتعرفت عليه وكان كويس جدا وحبينا بعض واتقدملي وكان شخص مناسب جدا وقتها، اكتشفت حقيقته وكل حاجة بعد الجواز مفيش حاجة كانت باينة في الأول.»
حكايات محكمة الأسرة
أكملت «هنا» حديثها عن معانتها: «من ساعة ما اتجوزنا وهو بقى بخيل ماديا وفي المشاعر وكل حاجة، بقى واحد تاني غير الراجل اللي أنا اتجوزته، وبخله بان أكتر لما حملت في ابني، كان بيرفض حتى يجيبلي لبس وأنا حامل وبيرفض يخليني أروح اتابع عند الدكتور عشان ميدفعش حاجة.»
قصص محكمة الأسرة
تابعت الزوجة: «من بعد ما ولدت ابني مصرفش عليه جنية، حتى مصاريف الولادة مدفعش فيها حاجة، ولا بيجيب لبس أو أكل أو أي حاجة، لو ظروفه وحشة ومش معاه هستحمل ومش هقول حاجة، لكن هو معاه وبيبخل عليا أنا وابنه ومعتمد على أبويا في كل حاجة هو اللي بيصرف وهو اللي بيلف بيا لو احتاجت اروح للدكتور.»
قضايا محكمة الأسرة
أنهت «هنا» حديثها والحسرة في عينيها على ما رأته من زوجها: «لما لقيت أن أبويا بقى يصرف عليا أنا وابني وجوزي كمان وبقيت معظم الوقت قاعدة في بيت أهلي قررت اسيبه ومكملش معاه، لأن المشاكل كل مادى بتزيد وهو مش راضي يتعدل مهما حاولت معاه، وأخر ما تعبت معاه جيت المحكمة عشان أرفع عليه قضايا نفقة ليا أنا وابني عشان أقدر أعيش وأصرف عليه.»
تابع أحدث الأخبار عبر
