أخبار محكمة الأسرة اليوم
محكمة الأسرة.. عايدة: بيختفي بالأسبوع ومعرفش طريقه فين
تواجدت "عايدة" في محكمة الأسرة بعد غياب زوجها عنها لسنين ، ولم تعلم طريق له، ورفعت دعوى خلع للمرة الثانية حتى تتخلص من حياتها مع زوجها الذي لم يقدرها أو يحترمها يوما وأسقاها من العذاب ألوان عندما كان يحتفي ويتركها مسؤولة عن بيتهم وأسرتهم وحدها مستغلا حجه عمله لتكون سبب لغيابه، وعندما فاض الكيل بالزوجة قررت أن ترفع دعوى خلع حتى تتخلص من حياتها معه.
قصص محكمة الأسرة.. اتجوزت جواز صالونات ومكنتش أعرف جوزي كويس
قالت «عايدة» في بداية حديثها: «أنا اتجوزت من 18سنة، معايا ٣ أولاد واحد في 3 ثانوي والتاني في أولى إعدادي وواحد في 3 ابتدائي، كان جواز صالونات ومكنتش أعرفه كويس قبل الجواز بس كان ابن ناس ومحترم ومفيش منه مشاكل غير العادي كان راجل طبيعي زي بقية الرجالة».
حكايات محكمة الأسرة.. بيختفي ومعرفش طريقه فين
تابعت «عايدة» حديثها قائلة: «المشاكل مع جوزي بدأت من 3 سنين لما بقى كل شوية يختفي ومعرفلوش طريق، يرجع بس أسبوع ويمشي ويختفي بقاله ٣ سنين بيختفي ويرجع، ومعرفش بيروح فين ولما يرجع واساله يقولي كنت في شغل بس مكنتش بصدقه شغل ايه اللي يقعد فيه كل ده بره البيت ومعاه هدومه وكل حاجة تخصه، مكنتش أعرف إذا كان متجوز ولا يعرف عليا واحدة».
دعاوي محكمة الأسرة.. كنت رافعة خلع واتنازلت ورجعت لجوزي
أضافت «عايدة»: «كان هو اللي بيكلمني ولما أكلمه ميردش ولما يرجع البيت اقوله كنت فين يقولي كنت في شغل، لحد ما تعبت منه ومن اختفاؤه كل شوية وسيبته ورفعت قضية الخلع والنفقة من سنة وقتها قالي هدفع المصاريف وهبقى كويس ومش هيحصل مشاكل تاني رجعت البيت لقيت يبقى الحال على ما هو عليه متغيرش ولا بقى عدل بقى ده بقى مبيجيش البيت خالص».
قضايا محكمة الأسرة.. رفعت قضية خلع تاني على جوزي
أنهت «عايدة» حديثها قائلة: «دلوقتي سايبنا بقاله سنتين ومعرفلوش طريق ولا عارفة مكانه فين ومبيقولش حتى هو في شغل ولا راح فين ولما زهقت من الضع جيت أرفع قضية خلع تاني أنا كنت غلطانة لما اتنازلت عنها أول مرة».
تابع أحدث الأخبار عبر
