محكمة الأسرة اليوم
محكمة الأسرة .. إسراء في دعوى طلاق: مش راضي يديني عفشي بالذوق
بخطوات مثقلة اتجهت إسراء نحو محكمة الأسرة لرفع دعوى طلاق تنقذها من حياتها التعيسة مع رجل لا يتعامل معها إلا بالضرب، بدأت المشكلات تتفاقم بينهما ما جعلها تصر على التوجه إلى محكمة الأسرة ورفع دعوى طلاق بعدما اعترض الزوج على تطليقها بالتراضي بينهما.
حكايات محكمة الأسرة.. اتصدمت فيه لما كشفته على حقيقته
تستهل إسراء رواياتها لقاضي محكمة الأسرة مؤكدة على معاناتها التي تعيشها من بداية الزواج إلا أنها صبرت على حظها لعل الأمور تتغير في يوم من الأيام، تابعت: "من ساعة ما اتجوزته وهو مطلع عيني ولقيت واحد تاني خالص غير اللي اعرفه في الخطوبة، كان طيب معايا وبيعملي كل اللي أنا عايزاه والمفروض إننا متجوزين عن قصة حب وكنت فاكرة إن حياتنا هتبقى سعيدة زي أي اتنين بيتجوزا عن قصة حب، بس الحقيقة لقيت غير كدا خالص".
قصص محكمة الأسرة.. مش راضي يطلقني بالذوق
تعجبت إسراء من زوجها الذي تغير معها دون سبب واضح، ولكنها حاولت إصلاح حياتها بكل الطرق، تابعت: "استغربت من اللي لقيته بعد الجواز، ومكنتش فاهمة إيه اللي غيره معايا أوي كدا ومفيش أي حاجة حصلت"، أكملت حكاياتها قائلة: "مبقتتش قادرة استحمل طريقته وضربه ليا عمال على بطال، عشان كدا كنت بسيب البيت كتير، وأخر مرة دي الخناقات بينا كترت بسبب إني طلبت منه الطلاق وأهلي اتدخلوا وقالوله نخلص كل حاجة ودي وهات العفش وحاجتها وكل واحد يروح لحاله بس هو موافقش".
قضايا محكمة الأسرة.. إسراء في دعوى طلاق
تفاقمت المشكلات بينهما بطريقة جعلتها تفكر في الانفصال أكثر من مرة ولكنها تراجعت في كل مرة على أمل الحفاظ على حياتها واستقرار عش الزوجية، ولكن تعاملات وتصرفات الزوج معها جعلها تصر على الطلاق، أضافت الزوجة: "لما لقيته مش راضي يطلقني بالود ونحل كل حاجة براحة من غير مشاكل لقيته عايز المشاكل ومش راضي يديني أي حاجة من حاجتي، رحت رفعت عليه قضية وبعدها هرفع قضية بالقايمة عشان أخد كل عفشي".
تابع أحدث الأخبار عبر
