«خدت مني الدهب».. أماني في محكمة الأسرة: حماتي سبب طلاقي وخراب بيتي
عندما تدخل العديد من الفتيات قفص الزوجية تكون من أكبر المواضيع التي تشغلها علاقتها بحماتها، فإذا كانت علاقتهم طيبة ستكون نهاية الزواج سعيدة، وإذا كانت علاقتهم متوترة ممكن أن ينتهي الأمر بالزوجة في محكمة الأسرة مثل ما حدث مع «أماني».
منذ زواج «أماني» وكان من الواضح أن مشاكلها الأكبر لن تكون مع زوجها ولكن مع حماتها، كان زوج أماني يصرف أموال قليلة عليها وعلى أبنائها ولكنها تحملت ظروف زوجها ووقفت بجانبه، حتى دخلت حماتها حياتهم ودمرت أسرة «أماني» وكانت السبب في تركها المنزل مرتين حتى أصرت على ابنها أن يطلق زوجته ويتركها هي وأولاده دون سؤال، واضطرت «أماني» أن تتوجه لمحكمة الأسرة لتحصل على حقوقها منه.
أمه كانت سبب المشاكل
قالت «أماني»: أنا اتجوزت من 2020 خلفت ولد وبنت وسايبه جوزي من سنة ونص، مقعدتش مع جوزي كتير فضلت معاه سنة وخلفت الولد وغضبت، ورجعتله حملت تاني وغضبت تاني، قبل الجواز وأول فترة في الجواز كان كويس ومفيش مشاكل لكن بعد كده كل حاجة اتغيرت لما أمه جت تعيش معانا.
أخره في المصاريف 10 جنيه
تابعت «أماني»: امه كانت مطلقة من أبوه ومتجوزة ولما اتطلقت من جوزها التاني جت عاشت معانا والمشاكل بدأت، جوزي مكنش بيصرف غير قليل شغله على قده بيصرف أخره 10 جنيه في اليوم لما أمه رجعت بطل يصرف خالص سمع كلامها لما بتقوله متديهاش فلوس، معرفتش بتعمل معايا كده ليه أنا بتقي الله فيها.
حماتي سبب طلاقي
أضافت الزوجة: أول مرة أغضب كان بسببها كنت لسه والده بنتي وجت عملت معايا مشكلة واتخانقت معايا من غير سبب ومروحتش بسببها، المرة التانية اللي غضبت فيها كانت بسببها برضو رحت عشان ازروها وهي عيانة مسكت فيا وخدت مني دهبي وبعد كده قالت مخدتش حاجة منك.
دعوى نفقة
أكملت «أماني» كلامها: مقدرتش اتحملها والدته مش كويسه كانت بتزعق وتشتم كتير وهو ميقدرش يقف قدام أمه، من ساعة تاني مرة سيبت البيت مرجعتش تاني وجوزي طلقني بعد ما هي قلتله، ومش بيديني فلوس مبيسالش علينا ولا بيصرف ،وجيت رفعت قضية نفقة عشان ولادي اللي محدش من تبعهم بيسال خالص فيهم.
تابع أحدث الأخبار عبر
