«مشغلنى خدامة لإخواته».. منى في دعوى نفقة :أبن خالي امه ممشياه
تزوجت «منى» من ابن خالها وهي في سن الـ 17 ، وكانت فتاة صغيرة تحلم بأن تكون عروسة وترتدي الفستان الأبيض، ولم تتوقع أنها سترى كل هذا الألم من زوجها وابن خالها وسترى معه أيام تتمنى أن تمحيها من ذاكرتها.
منى في دعوى نفقة :أبن خالي امه ممشياه
كانت «منى» فتاة في سن 17 عندما تقدم ابن خالها لخطبتها ووافقت عليه وتوسمت أن يكون خير الزوج لها، لكن حياة بيت العائلة كانت سبب دمار زواجها، كانت «منى» تتقي الله في زوجها وأهله وكانت تتعامل معهم بما يرضي الله ولكنهم كانوا لا يكنوا لها أي خير وجعلوها تلجأ لمحكمة الأسرة لتحصل على حقوقها التي حرمها منها زوجها وهي معه وعندما تركته.
اقرأ أيضا
أمه مسلطاه أنه ميصرفش عليا أنا وعيالي
قالت منى: “ أتجوزت وأنا عندي 17 سنة ابن خالي ، وتحملته سنين عشان القرابة اللي بينا وعشان العيال، حياتنا في الأول كانت عادية لحد ما بدأت المشاكل على المصاريف ومن ساعتها المشاكل بتزيد ومبتقلش، ابويا كان بيساعدني ويديني مصاريف عشان مكونش عايزة حاجة، لكن حماتي اللي هي مرات خالي هي اللي كانت مسلطاه إنه ميصرفش وميدفعش أي فلوس أو أي مصاريف”.
كان ممكن استحمل ظروفه لو معهوش لكن معاه وبيبخل عليا
تابعت منى: “حاولت معاه بكل الطرق أنه يتصلح لكن مفيش فايدة، كان بيديني فلوس قليلة جدا، ولما اكلمه واقوله مش كفاية يقولي أمي قالت الـ 100 جنية تكفيكي في الأسبوع ، عشت ساكتة ومستحملة وأقول يمكن هو معهوش ولازم استحمل ظروف جوزي، لكن كنت بلاقي معاه الفلوس ولما اطلب منه يديني زيادة يرفض، لحد ما قلتله خلاص مش عايزة فلوس وهاتلنا انت الطلبات برضوا رفض”.
اقرأ أيضا
أمه بتمثل أن قلبها عليا
أضافت الزوجة: “ لحد ما في مرة قرر إني أكل عند أمه وماكلش في بيتي وهي اللي هتصرف علينا ولما رفضت العيشة دي لأن وأمه وأخواته بيبصولي في اللقمة لما بأكل من عندهم، قعدني 3 أيام من غير أكل أو شرب عشان يعاقبني ، ولما اشتكيت لأمه زودتلي مصاريف 50 جنية بس من وراه وعملت انها قلبها عليا قلتلها هيعملوا ايه دول قالتلي ده اللي عندي كفاية بساعدك” .
مش عايز يطلقني ولا يصرف علينا
تابعت منى : “لحد ما جبت أخري من عمايله، وزهقت من العيشة مكنتش عايشة مرتاحة عايشة خدامة عند اهله، قررت اني اسيبه، امه خدت مني بنتي الكبيرة وانا ماشية عشان تعاقبني، مبيسالش على عياله من ساعة ماخدتهم ومشيت، ومش عايز يصرف ولايدينا حاجة من ساعة وبيقولي انا مليش دعوة مادام مشيتي، ومش عايز يطلقني عشان ماتجوزش تاني، رفعت عليه دعوى خلع ونفقة عشان اخلص من حياتي معاه ”.
تابع أحدث الأخبار عبر
