"جوزي طردني من بيتي لما عرفت انه لسه بيخوني".. جميلة للقاضي" بيصورلها بيتي ويقولها هيبقى بيتك"
تزوجت جميلة وظنت أن حياتها ستصبح سعيدة عندما تدخل القفص الذهبي لكن منذ زواجها افقدها زوجها كل ثقتها بنفسها عندما خانها عدة مرات ولم ينكر أي من خيانته ودمر حياتهم وثقتها فيه.
تواجدت جميلة على أبواب محكمة اﻷسرة والدموع في عينيها على ما مرت به في تجربة زواجها، فبدل أن تكون في بيتها مع أسرتها وتربي أطفالها، هي في المحكمة تحاول أن تحصل على حقوقها التي سلبها منها زوجها الذي كان يخونها عده مرات، بالرغم من أنه كان لديه زوجة تريد أن تكمل حياتها معه، وأطفال يريدوه في حياتهم، لكنه لم يقدر أي من ذلك.
اقرأ أيضا
كنت شاكه فيه بس معنديش دليل
قالت جميلة: اتجوزت من 8 سنين، وخلفت بنتين، كان جواز صالونات وفي أول الجواز الدنيا كانت كويسة ومفيش بينا مشاكل وبعدين خلفنا والدنيا برضو كانت تمام، لحد من سنتين بس بدأ يبان عليه أنه متغير حاولت أعرف في ايه بس معرفتش، كنت حاسه أنه في واحدة تانية في حياته ومكنش عندي دليل.
أتحايل عليا عشان ارجعله وفي اﻷخر غدر بيا
تابعت جميلة: لحد ما في يوم شفت رسالة من على تليفونه من واحدة ولما واجهته مانكرش أنه يعرف عليا واحدة ولما قلتله يسبها رفض ساعتها مقدرتش أكمل معاه، وحصل بينا مشكلة وسيبت البيت ومشيت، يعد فترة قليلة جه واعتذرلي وقالي انه هيسبها واتحايل عليا عشان أرجعله ووافقت وقلت اديله فرصة عشان خاطر بناتي.
اقرأ أيضا
بيصورلها بيتي ويقولها ده هيبقى بيتك
أكملت الزوجة حديثها وقالت: لما حصلت المشكلة بينا أول مرة كان واخد مني التليفون، ولما رجعت لقيت الايميل بتاعه مفتوح عليه، لقيت أن في شات بينه وبينها حتى بعد مارجعني وقالي هيسبها، كان بيصورلها بيتي وعفشي ويقولها ده بيتك وهتعيشي فيه.
جوزي ضربني وطردني لما اكتشتفت انه لسه يعرف عليا واحدة
أضافت الزوجة: حاولت أكلم أهله واشتكي بس امه طلعت كانت عارفة من بدري إنه بيخوني وبتداري عليه، المرة التانية واجهته وكان معايا الدليل الشات بينهم، ضربني وطردني من بيتي وخد مني ولادي وبنتي كانت لسه بترضع، اضطريت أرفع دعوى حضانة عشان أعرف أرجع عيالي وبعد كدة رفعت دعوى خلع ونفقة ﻷني مقدرش اثق فيه أو أعيش معاه تاني.
تابع أحدث الأخبار عبر
