سمية في دعوى خلع: جوزي كان مفهني إنه مسافر شغل وطلع مسافر شهر عسل مع مراته التانية
على أعتاب محكمة الأسرة تواجدت «سمية» وهي لا يوجد بداخلها أي ندم عما وصلت له لأنها تعلم أنها حاولت بكل الطرق أن تنقذ أسرتها وبيتها ولكن الخطأ كان خطأ زوجها في خراب بيتهم.
"خيانة وضرب وشتيمة وبهدلة" هذا ما تحملته «سمية» لسنين عديدة مع زوجها منذ عودته من السعودية واستقراره في مصر ولكنها كانت تتحمله وتسامحه على خياناته الكثيرة لأنها كانت لا تريد أن تخرب بيتها وتحرم أولادها من أن يحصلوا على حياة طبيعية مع أبيهم وأمهم، لكن أفعال زوجها جعلتها تلجأ في النهاية لمحكمة الأسرة كحل أخير حتى تتخلص من حياتها معه.
اقرأ أيضا
لما رجع مصر انطلق وعاش حياته
قالت «سمية»: اتجوزت من 11 سنة وجبت 3 أولاد وبقالي سنة ونص سايبه جوزي، المشاكل بينا كانت موجودة من الأول بس كانت بسيطة بس زادت بعد 6 سنين لما رجع من السعودية، طول ما كان في السعودية وكان مقفول عليه ومبيشوفش حد، لما رجع بقى مصر انطلق وعاش حياته.
لما واجهته بخيانته هرب وطلع يجري في الشارع
تابعت «سمية»: من ساعة ما رجع الحياة معاه بقت خيانة وضرب وشتيمة وبهدلة، وكنت بعدي وبستحمل عشان ولادي لكن هو مكنش بيقدر كدة وكان بيزيد في الغلط كل مادى، المشكلة الكبيرة معاه كانت الخيانة، أول مرة لما طلع لجارتي اللي الناس عارفة انها ست مش كويسة شقتها، عرفت ساعتها من تليفونه لما لقيت صورها على تليفونه ولما واجهته هرب طلع يجري وهرب في الشارع ، بعد أول مرة فضل في الشارع شوية ورجع اعتذر وعيط وقال مش هيحصل تاني.
اقرأ أيضا
كان مفهمني أنه مسافر شغل وهو في شهر العسل
أكملت «سمية» كلامها عن خيانة زوجها وقالت: بعد فترة حصل خيانة تاني بعد ما سامحته عشان خاطر ولادي، التانية كانت ساكنه معانا في نفس الشارع، كان بيسهر بره واتعرف عليها واتجوزها عرفي، أهلها لما عرفوا عملوا مشكلة واتجوزوا رسمي، غاب عليا 3 أيام ورجع، وبعدين سافر وقالي انه بيشتغل في شرم وهو في الغردقة بيقضي شهر العسل معاها اتخانقوا مع بعض بعد 15 يوم بس ورجع البيت، وهي بعتتلي رسالة عشان تعرفني انه اتجوز.
تابعت الزوجة: لما عرفت انه اتجوز، سيبته وأهلي رجعوني تاني لما صالحني وقالي هيسيبها واكتشفت انه بيكلمها تاني لما عرفت واجهته ما انكرش المرة دي، ساعتها قررت اسيبه وجيت أرفع عليه دعوى خلع.
تابع أحدث الأخبار عبر
