هالة للقاضي: رحت القسم أعمل محضر في جوزي لقيته هناك بيعملي محضر تعدي
حاولت «هالة» بكل الطرق إصلاح زوجها، الذي تحولت معاملته معها بطريقة مفاجأة دون أي مبرر، في البداية كان الضرب يحتمل لكن بعد فترة أصبحت تعيش مع شخص قاسي دمر نفسيتها هي وطفلتها.
"عشت معاه سنين بهدلة وضرب وإهانة واستحملت عشان مخربش بيتي، لكن في الأخر طردني ورماني في الشارع" هذا ما واجهته «هالة» في مشكلتها مع زوجها، هذا هو الذي جعلها تلجأ لرفع دعوى طلاق، بعد ما طلبت منه الطلاق بالتراضي بينهما، ولكن رفض زوجها أن يريحها ويعطيها حريتها، وفي النهاية اضطرت أن تلجأ لمحكمة الأسرة، حتى تحصل على حقوقها الذي سرقها منها.
مستحملاه ١٠ سنين عشان بنتي
قالت هالة: اتجوزت من ١٠ سنين الحياة في الأول كانت كويسة ومفيش مشاكل لحد ما خلفنا بنت بس، وبقى بني آدم صعب والحياة معاه بقت مستحيلة خلافات طول الوقت على أي حاجة بسبب ومن غير سبب، حياتي معاه كانت جحيم لكن استحملته عشان خاطر بنتي متتبهدلش.
تابعت هالة: المشاكل بينا معظمها كانت على المصاريف إنه مبيدنيش فوس تكفينا، لكن كنت بحاول أعيش باللي بيدهوني، الضرب كان طول الوقت وكنت بستحمل،
لحد في مرة حصل بينا مشكلة على حاجة صغيرة جدًا وطردني من البيت أنا وبنتي.
اقرأ أيضا
رحت أعمله محضر لقيته بيعملي محضر تعدي
أكملت هالة كلامها وقالت: رحت قعدت عند أهلي، وقلت خلاص مش هرجعله تاني أنا تعبت منه، رحت عشان أجيب حاجات ليا أنا وبنتي من الشقة مسكني وضربني، كنت هموت في إيده، رحت عشان أعمله محضر في القسم باللي عمله فيا لقيته هناك بيعملي محضر إني أنا اللي اتعديت عليه وضربتوا، وكان لازم نتنازل عن المحاضر، يا الحبس لينا احنا الاتنين.
طردني من بيتي ومعنديش مكان أعيش فيه أنا وبنتي
أضافت هالة: طلبت منه الطلاق رفض واضطريت أرفع قضية طلاق عشان أعرف اتطلق، مش عارفة أخد حاجتي من ساعة ما اطلقت، ورفعت دعوى نفقة عشان أعرف أصرف على بنتي، عايزة اخد حاجتي معنديش مكان أعيش فيه أنا وبنتي، بقالي سنة رافعة دعوى تمكين ومش عارفة اخد الشقة.
