بيضربني من يوم الفرح.. إسراء بدعوى خلع: اتجوزني عشان المصلحة ولما مطلعش مني بحاجة سابني
تواجدت «إسراء» على أعتاب محكمة الأسرة ، وهي متماسكة ولا ترى في عينيها أي حزن أو ألم لأنها تعلم أنها خرجت من هذا الزواج منتصرة لأنها ستخلص نفسها من العذاب الذي عاشت فيه لسنين عديدة بسبب زوجها.
بيضربني من يوم الفرح
«إسراء» سيدة في أواخر عشريناتها تواجدت اليوم أمام محكمة الأسرة رافعة دعوى خلع لتتخلص من زوجها الذي استغلها ودمر حياتها وجعلها لا ترى أي أمل في الحياة بكذبه وخداعة لها، ودفعها لهذه النهاية بسبب أنه فقط يريد أن يؤذيها ولا يريحها ويعطيها حريتها حتى بعد ما تركها من أجل زوجته وبيته الثاني".
اقرأ أيضا
وافقت أكون زوجة تانية عشان فهمني انه هيطلق زوجته الأولى
قالت «إسراء»: “أنا اتجوزت شخص عادي وكنت فاكرة انه هيكون سندي في الدنيا عرفته عن طريق عمته كانت معايا في الشغل ، وهي اللي عرفتني عليه، كان متجوز وعنده بنت لما اتقدملي بس كان قايلي أن زوجته الأولى في مشاكل بينهم وأنها رافعة دعوى نفقة عليه عشان بنتهم وخلاص هيطلقوا ووافقت على أني أكون زوجه تانية على أساس الكلام ده”.
بيضربني من يوم الفرح
تابعت «إسراء»: فضلنا سنة بس متجوزين وكان طول جوازنا في مشاكل كتير بسبب زوجته الأولى وحجات تانية كتير، من ساعة فرحنا والمشاكل بدأت معاه، من فرحنا وهو بيضربني وبديني بالشلوت والبوكس والضرب كمل في السنة اللي اتجوزته وعيشنا فيها سوى، كنت بشتغل وبساعد في البيت ومقصرتش معاه في أي حاجة لكنه مقدرش أي حاجة عملتها عشانه.
اقرأ أيضا
لما مخدش مني مصلحة سابني
أضافت «إسراء»: من رابع شهر في الجواز شال ايده من مصاريف كل حاجة انا اللي بقيت بصرف على البيت كله لوحدي، وعيشت واستحملت وقلت عشان مخربش بيتي، هو كان واخدني جواز مصلحة بس ولما لقى أنه مش هيعرف ياخد مني حاجة ومجبتلوش الميكروباص اللي كان هيموت عليه سابني وراح لزوجته الأولى ورفض يطلقني.
مش راضي يطلقني عشان يبهدلني في المحاكم
أنهت «إسراء» كلامها وقالت: “سايبني من 4 سنين بتصل بيه واتكلم معاه انه يجي ويطلقني رافض وبقالي 4 سنين على الوضع ده لما زهقت جيت ورفعت عليه دعوى خلع، هو مش راضي يطلقني عشان يبهدلني في المحاكم وعشان يعملني الأدب، وأنا مش عايزه منه أي حاجة أنا بس عايزه أخلص منه”.
تابع أحدث الأخبار عبر
