داليا في دعوى نفقة: "طلقني عشان يتجوز التانية ومن ساعتها ولا يعرف عياله"
تزوجت «داليا» وهي فتاة في الـ 19 من عمرها بعد قصة حب مع جارها، وكان حلمها أن تدخل عش الزوجية مع من اختاره قلبها وتنشئ معه أسرة، ولتحقق هذا الحلم تحملت العديد من المشاكل والخطأ في حقها من زوجها فقط لتحافظ على بيتها وأسرتها.
بعد زواج دام 10 سنين وكان زواج بعد قصة حب بين الزوجين ونتج عن هذا الزواج ابنتين، نسى الزوج كل هذا ودمر اسرته فقط لأنه تعرف على سيدة أخرى غير «داليا» ووقع في حبها، وبالرغم من موافقة «داليا» على أن تصبح الزوجة الأولى وسمحت لزوجها أن يتزوج مرة أخرى حتى لا تخرب بيتها، لم يقدر زوجها أي من كلامها وتركها هي وبناتها وطلقها وهي لا تدري، وجعلها في النهاية تلجأ لمحكمة الأسرة لتحصل على حقوق ابنتيها الاتي خسرن ابيهم بسبب انه لا يسأل عليهم.
اقرأ أيضا
جوزي كان بيضربني واستحملت عشان خاطر بناتي
قالت «داليا»: اتجوزت من 10 سنين وكان عندي 19 سنة وخلفت بنتين وكان بقالي 6 سنين متجوزة لما جوزي عرف عليا واحدة، الجواز كان عن قصة حب هو كان جارنا واتجوزنا وعيشنا في بيت أهله، في أول الجواز المشاكل بينا كانت عادية وهو كان كويس معايا، لحد مع بعد كدة لما تحصل مشكلة يمسكن يضربني ضرب جامد، كان بيضربني وبستحمل عشان خاطر عيالي.
لما واجهته إنه يعرف عليا واحدة قال إنه بيحبها ومش هيسيبها
تابعت «داليا»: طول عمره كان بتاع بنات كان على طول بيبان عليه كنت بشوفه مع ستات في الشارع بس أنا كنت بكبر دماغي واقول ملوش غير بيته وعياله، لحد من خمس سنين اكتشفت انه يعرف واحدة عليا، الواحدة دي كانت قريبة مننا، لما واجهته قالي انه بيحبها ومش هيسيبها، وفضل معاها خمس سنين من غير ما يتجوزها عشان أنا على ذمته، لحد من سنة بس اتجوزها والمشاكل معايا بدأت وبقت أكتر من الأول بكتير.
اقرأ أيضا
خدني عند المأذون وطلقني من غير علمي
أضافت الزوجة: لحد في الآخر مرضيش يفضل معايا وسابني عشانها، حاولت معاه إنه يسيبها لكنه كان بيرفض، دلوقتي اتجوزها وخلف منها، رغم إني وافقت إنه يفضل معاها وميسبهاش هو رفض إنه يكمل معايا وصمم إنه يطلقني، خدني عند المأذون وأنا معرفش إني رايحة عند المأذون وطلقني، ودلوقتي عياله الأول كان بيشوفهم دلوقتي لا ولا بيصرف عليهم ، كنت صابرة إنه يتعدل لكن لما لقيت مفيش فايدة رفعت عليه دعوى نفقة.
تابع أحدث الأخبار عبر
