حنان في محكمة الأسرة: جوزي سرق عفش ابنه وشقته اللي جبها بفلوسه عشان يتجوز فيها
«حنان» سيدة كبيرة في خمسيناتها ومن النظرة الأولى تظن أنها في المحكمة مع ابنتها أو ابنها، ولكنها كانت هناك بسبب مشكلتها مع زوجها، حملت «حنان» ألم نفسي وجسدي وهي على أعتاب محكمة الأسرة وكان الحزن على سنين عمرها الضائعة يملئ قلبها وعينيها.
"سبته عشان سرق فلوس ولادي" هذا ما أوصل «حنان» في النهاية لمحكمة الأسرة، وبعد طلاق مرتين ومحاولات عديدة في إصلاح زوجها لجأت لرفع دعوى خلع بعدما سرقها زوجها هي وابنهم، وسرق فرحتهم ولم يبدي أي ندم عما فعله معهم، وكان هذا ما أدى للوصول للنهاية في علاقة «حنان» مع زوجها.
اقرأ أيضا
اتطلقت منه مرتين بسبب عمايله ودي الطلقة التالتة
قالت حنان: بقالي 27 سنة متجوزة، واتطلقت مرتين وجوزي رفض يطلق التالتة عشان عارف أنها أخر طلقة فرفعت دعوى خلع، حياتي معاه كلها كانت مشاكل اول طلقتين كانوا بسبب مشاكل بينا وأن هو مبيصرفش على بيته ولا على أولاده.
أنا وولادي ملناش علاقة بيه وبنعتمد عليه
تابعت حنان: كنت برجع لجوزي عشان خاطر ولادي ويتربوا مع أبوهم وأمهم وعيشت مشيت الدنيا، لكن هو كان دايما بيحاول بأي شكل يدمر حياتنا، ربيت عيالي وكبرتهم من غير مساعدة منه، انا وولادي بقالنا سنين مش معتمدين عليه ولا لينا دعوة بيه وهو ملوش دعوة بمصاريف البيت ومبيصرفش عيالي كبار وبيشتغلوا ويصرفوا على نفسهم.
اقرأ أيضا
سرق شقه ابني اللي جابها بفلوسه
أكملت حنان كلامها وقالت: لحد من قريب المشاكل اللي حصلت كانت بسبب انه كنت عاملة جمعية عشان أجيب جهاز ابني، خد الجمعية على أساس إنه نازل يشتري العفش عشان جواز ابنه وسرق الفلوس واختفى مرجعش غير بعد فرح ابني اللي انا عملته، ابني كان شاري شقة ب 130 ألف جنية ، عرفنا بعد فترة من صاحب البيت أن جوزي سرق العقد وخد الفلوس من صاحب الشقة والعقد باسم ابني.
كسرلي سناني لما عاتبته على سرقه ابنه
أضافت الزوجة: سبت جوزي لما عرفت انه أخد فلوس ابني وسرقه وهرب، حاول يرجعني تاني وانا رفضت لما اتخانقنا بسبب الي عمله مسكني ضربني وكسرلي سناني وفتحلي دماغي سبع غرز، وجيت محكمة الأسرة عشان ارفع عليه دعوى خلع وأخلص من حياتي معاه.
تابع أحدث الأخبار عبر
