«عايشه في سجن».. إسراء في دعوى طلاق: "حابسني في البيت ومهكر التليفون"
زوجات كثر تحولت حياتهن لوكر من المشكلات اللانهائية بسبب زوج مدمن عرف طريق الكيف دون التفكير في عش الزوجية والأولاد، هنا تكون بداية من حياة زوجية مستقرة لحياة تعيسة مثل ما حدث مع "إسراء" التي كانت تعيش حياة خالية من أي صراعات ولكن انقلب كل شيء.
إسراء في دعوى طلاق: "حابسني في البيت ومهكر التليفون"
"عايشه معاه في سجن وياريته بيصرف عليا أنا والعيال"، هكذا بدأت إسراء قصتها مؤكدة على زوجها الذي كان مثالي بكل المقاييس وفجأة بدون أي مقدمات تحول لهمجي يتصرف تصرفات غريبة.
استكملت: "جوزي كان محترم ومفيش منه اتنين كان بيحبني وبيراعي ربنا فيا وكانت كل الناس بتحلف بأخلاقه، بس بقا غريب بقاله فترة كبيرة وعصبي طول الوقت معايا أنا والأولاد".
أضافت الزوجة: "عرفت إنه بقا بيشرب مخدرات وأول ما عرفت اتكلمت معاه وقلت له يبطل بس قال لي دا أنا بشربها كل فترة بس مش على طول، صدقته وقلت طالما كل فترة خلاص، بس من طريقته عرفت إنه بيشرب على طول".
حابسني أنا والعيال في البيت
زادت الخلافات بسبب زيادة الزوج في شربه للمخدرات التي جعلته شخص اخر شديد العصبية معها هي والأولاد، تابعت: "قالي إنه بيشرب كل فترة بس أنا كنت متأكدة إنه بيشرب عل ول عشان معاملته اللي بقت متغيرة طول الوقت، وفعلاً بقا بيشرب حتى في البيت ووصل لمرحلة صعبة ومش راضي يتعالج".
أضافت: "دا غير الضرب اللي كل ما حد يكلمه يقوم يضربه، ولو خرج من البيت يحبسني أنا والعيال عشان منخرجش من البيت، طلبت منه الطلاق بس قال لي مش طلقك وهتعيشي معايا غصب عنك".
مهكر تليفوني
أكملت إسراء: "اول لما قلت له أنا عايزه اتطلق هكر تليفوني عشان يعرف كل حاجة انا بعملها، حتى اهلي كل ما أجي اكلمك عشان يجوا لي يمسكني يضربني، ويقول لي لو عملتي إيه مش هطلق".
كانت محكمة الزنانيري الملجأ الوحيد لتتخلص إسراء من سجنها مع زوجها الذي أصبح مدمن، أنهت الزوجة قصتها: "طلبت منه مرة واتنين يطلقني بس هو مش راضي عشان كدا رفعت قضية طلاق بقالي 7 شهور ولسه ماشية في الإجراءات".
تابع أحدث الأخبار عبر
