ريهام من محكمة الأسرة: أهل جوزي يهددوني بخطف ابني لو طالبت بحقي
تزوجت «ريهام» في مقتبل عمرها وأنجبت طفل وظنت أنها تبني أسرة مع زوجها الذي يرعاها ويحميها ويلبي كل طلباتها وحمدت ربها على نعم الحياة الكثيرة ولكن تأتي الرياح بما لا تشتهيه السفن، في يوم تلقت «ريهام» خبر وفاة زوجها بأزمة قلبية تاركها أرملة في عز شبابها.
بعد وفاة زوج «ريهام» كان أملها أن تعيش وتربي طفلها فقط وتحصل على حقوقها هي وابنها لكن جشع وطمع إخوة زوجها لم يدعها لتحقق حلمها فبدل أن يضم أعمام طفلها ابن أخيهم ويحافظوا عليه ويكونوا مثال الأب في حياته بعد وفاة والده، قرروا سرقوا ورث ابن اخيهم 7 مليون جنيه وتركه وحيدا في هذه الدنيا لأمه لتصرف عليه وحدها وليس معها أحد في هذه الدنيا سوى ربها ولجأت في النهاية لمحكمة الأسرة لتحصل على حقوقها.
قالت «ريهام» عن زوجها الراحل: جوزي اتوفى من 4 سنين كان راجل كويس جدا ومحترم مشفتش منه أي حاجة وحشة جبت منه ولد وكنا عايشين كويسين، كان غني جدا بيشتغل تاجر قماش في الأزهر، في يوم كنت بزور والدتي جاتلي مكالمة انه اتوفى فجأة وهو بيصلي جتلة سكته قلبية اتصدمت ومكنتش عارفة اعمل إيه.
تابعت كلامها وهي مازالت متأثرة بوفاة زوجها قائلة: أخوات جوزي بعد وفاته قالولي مش هنقدر نديكي حاجة من فلوسه غير بعد سنة عشان في ديون لازم تتسدد وأنا كنت لسه تحت صدمة وفاة جوزي فوافقتهم وكنت مأمنة ومش عارفة انهم ممكن يغدروا بي أنا وابني اليتيم، بعد سنة قالولي ملكيش غير نسبة قليلة من فلوس جوزك واحنا هنديكي مصاريفك انتي وابنك ومش هنخليكوا تحتاجوا حاجة كانوا بيدوني مصاريف قليلة جدا متكفيش حاجة لمدة 3 سنين وانا عايشة على الحال ده وكل لما أطلب حقي يقولوا ملكيش حاجة عندنا.
ريهام للقاضي: أعمام ابني واخدين 7 مليون حق ابني اليتيم.
حاولت «ريهام» أن تأخذ حقوق ابنها بأي شكل من أعمامه الذي قست قلوبهم وأخذوا حق ابن اخيهم اليتيم ولكن كل محاولتها فشلت وازداد اخوه زوجها في الجشع والطمع وعندما ضاق بها الحال اضطرت أن تعمل حتى تستطيع أن تصرف على ابنها وتدخله المدرسة.
أضافت «ريهام»: عملت مشاكل كتير عشان أخد حق ابني لكنهم كانوا بيرفضوا وبيقولوا هنشيل فلوس الولد معانا بس مندكيش حاجة، ودلوقتي خدوا كل حاجة بضاعة وفلوس اللي كانوا ورثي من جوزي وأقدر اصرف بيهم على ابني.
عند سؤالها عن سبب وجودها في محكمة الأسرة: في مكتب ده كان باسم جوزي وبعد وفاته قالولي هنعد فيه ونشتغل منه ونديكي الايجار وده طبعا محصلش كانوا بيدوني نص الايجار ده لو دفعولي حاجة أصلا أنا جاية عشان أثبت إن المكتب ده بتاع جوزي وحقي أنا وابني، رافعة قضية مجلس حسبي عشان أثبت إن المكتب اللي واخدينه ده مكتب جوزي، صحاب جوزي اللي ساعدوني وجابولي العقد.
تابع أحدث الأخبار عبر
