أخبار محكمة الأسرة اليوم
محكمة الأسرة.. أميرة: طلع بتاع ستات اتجوز عليا 3 مرات في الـ 10 سنين
كانت محكمة الأسرة النهاية التي وصلت لها «أميرة» لتبحث عن حقوقها من زوجها الذي خانها منذ بداية زواجهم وتزوج عليها عدة مرات ، ولم يقدرها أو يصونها طوال حياتهم سويا ، وصل الأمر بزوجها أنه تزوج عليها 3 مرات في فترة زواجها لمدة 10 سنين وبالرغم من تحمل الزوجة له لم تجد منه سوى الغدر عندما طلقها وتفرغ لأسرته الجديدة ولم يشفق عليها أو يرحمها حتى أوصلها لمحكمة الأسرة لتبحث عن حقوقها.
قصص محكمة الأسرة.. جوزي بتاع ستات من زمان
قالت «لمياء» في بداية حديثها: «أنا متجوزة من 10 سنين معايا من جوزي 3 أولاد، ومنفصلين عن بعض من سنتين، الحياة في أول سنتين جواز طبيعية ومفيش مشاكل غير العادية بس، المشاكل بقت بعد كدة، كان بتاع ستات من زمان وكل كلامه مع الستات بس».
حكايات محكمة الأسرة..كل ما يزهق من واحدة يطلقها ويتجوز غيرها
تابعت «لمياء» حديثها قائلة: «جوزي كل شوية يتجوز واحدة جديدة كل شهرين معاه واحدة جديدة يتجوزها ويزهق منهما يطلق ويتجوز غيرها واحدة تاني، كنت بكتشف كل شوية أنه متجوز عليا عن طريق التليفون أو كنت بحس بيه أنه متغير».
دعاوي محكمة الأسرة.. بيتجوز عليا من تاني سنة جواز
أضافت الزوجة: «من تاني سنة جواز وهو بيتجوز عليا ، ولما عرفت ساعتها، لما كنت بعرف واواجهه يرجع يعتذر ويقولي مش هيتكرر تاني ، ويطلق اللي متجوزها، وأرجعله على أساس إنه هيتغير لكن بيرجع يتجوز أول ما يعرف واحدة جديدة ، واكتشف أنه اتجوز تاني لما يعرف واحدة تانية اتجوز عليا 3 مرات في ال 10 سنين جواز».
قضايا محكمة الأسرة..مبيسألش في عياله ولا بيشوفهم
أنهت «لمياء» حديثها قائلة: «سيبته أخر مرة اتجوز لأنه خلف منها وهي اشتطرت عليه يا أنا يا هي، بعدت عنه ومطلبتش الطلاق عشان مكنتش عايزة أطلق وأبهدل عيالي، لكنه سابنا ومبقاش يسأل فينا رفعت ساعتها قضية نفقة لولادي ولما عرف طلقني غيابي من ساعتها وهو لا بيصرف ولا بيشوفهم مكنش كويس معاهم قبل كدة عشان يبقى كويس دلوقتي».