الندالة متأصلة فيه.. هدى للقاضي: طلقني لما عرف إني عيانة وعمره مشال مسؤولية
لم تتوقع «هدى» عند مرضها أن يكون زوجها بهذه الصفة السيئة - الندالة - التي تضطرها للذهاب إلى محكمة الأسرة، فقد ظنته السند والضهر، فعلى النقيض تمامًا وجدته قاسيًا غدرًا، فماذا فعل معها؟
هدى للقاضي: طلقني لما عرف إني عيانة وعمره مشال مسؤولية
البداية كما تروي «هدى»: «اخترت شريك لحياتي اعتمد عليه وأكون معه أسرة صالحة، ظننت أن اختياري مناسبًا حتى وقعت في اختبار وأصيب بمرض الخبيث، وقتها طلقني ورفض أن يرعاني في مرضي، وعندما تم شفائي طلب مني أن أعود إليه»، مضيفة: «ظننت أنه تغير لكني كنت مخطئة، ووصلت بي السبل في النهاية لمحكمة الأسرة حتى أحصل على حقوقها».
حياة عادية وزواج طبيعي
تقول هدى: « متجوزه من 2001، خلفت من ولد وبنت، جوزي من زمان وهو مسافر وبيشتغل بره مصر، أنا مع الولاد هنا وهو مسافر وكان بيجي كل فترة كان كويس جدا ومفيش مشاكل والدنيا ماشية وهو بيصرف ومش مخلينا محتاجين حاجة.»
طلقني لما عرف إني عيانة
تابعت هدى: «لحد ما اكتشفت من كام سنة ان جالي سرطان، كانت صدمة وكنت مش عارفة أعمل ايه وقتها، جوزي لما عرف رد فعله متوقعتوش، لما عرفت اني تعبانة هو كان في مصر وهو لما عرف اني تعبت طلقني و سافرعشان مياخدش باله مني وانا عيانة.»
رجعلي لما خفيت
أكملت هدى حديثها: «ركزت في علاجي واتعالجت والدكاترة قالوا اني خفيت وبقيت كويسة، جوزي لما عرف كلمني واتحايل عليا نرجع لبعض وقالي نرجع عشان خاطر العيال ونربيهم سوا، وافقت ساعتها عشان خاطر ولادي، رجعنا لبعض والحياة كانت تمام وماشية.»
غدر بيا تاني مرة
أضافت الزوجة: « بعد فترة التعب رجعلي تاني، ساعته جوزي طلقني تاني لما عرف إني تعبت تاني ، كانت صدمة عليا وكنت هموت فيها، من وقتها كان في بينا عقد ودي أنه يدي الولاد 5000 جنية مصاريف بس الكلام ده كان من 2007، ومش راضي يزودهم من ساعتها، حتى بيدفع شهر اه وشهرين لا وأنا بمشي الدنيا.»
دعوى نفقة
أنهت هدى كلامها: «دخله الأساسي ٤٨ ألف جنية مش راضي يصرف على عياله ولا يزود مصاريفهم، رفعت عليه قضية نفقة الأول وكنت بحاول أحل ودي لكنه مكنش بيدفع، دلوقتي رفعت قضية زيادة نفقة، وبعد كدة قضية حبس متجمد لأنه أنا تعبت منه خلاص.»
تابع أحدث الأخبار عبر
