محكمة الأسرة اليوم
محكمة الأسرة .. هند في دعوى تمكين: حمايا طردني عشان ينتقم لابنه
كان سبب تواجد «هند» في محكمة الأسرة غير العديد من السيدات فلم تتعرض الزوجة للظلم من زوجها فقط ولكن من أهله أيضا، عندما تزوجت «هند» توسمت في زوجها وأهله أن يرعوها ويحفظوها، لكن منذ بداية زواجها عملت أن الحياة معهم ستكون مختلفة ولن يتحقق حلمها في الحصول على بيت مستقر وحياة طبيعية؛ بعد محاولات الزوجة العديدة في إنقاذ بيتها وأسرتها توجهت لمحكمة الأسرة على أمل أن تستطيع أن تحصل على ما يكفيها هي وأبنائها من مصاريف ولكن ما وجدته هو القسوة والغدر من أهل زوجها والسبب أنها طالبت بحقوقها.
قصص محكمة الأسرة.. كان محترم هو وأهله يوم ما أتقدم
قالت «هند» في بداية حديثها : «أنا اتجوزت وأنا عندي 22 سنة واتجوزت من 7 سنين معايا من جوزي ولد وبنت، اتجوزنا عن طريق المعارف قرايبي كانوا يعرفوه واتجوزنا عن طريقهم، كان كويس ومحترم لما اتقدم هو وأهله مكنتش اتوقع انهم يعملوا فيا كل اللي عملوه ده».
حكايات محكمة الأسرة .. الحياة مع جوزي كانت صعبة
تابعت «هند» حديثها قائلة:« في أول سنة جواز الدنيا كانت تمام مع جوزي ومفيش مشاكل، لكن بعد كدة المشاكل بدأت وكان سببها أنه عصبي ومبيتحملش كلمة، كنت لازم احسب كل كلمة بقولها ياما هتبهدل واتهزق وساعات كان بيوصل للضرب الحياة معاه كانت صعبة وأنا حاولت كتير اعدله لكن مفيش فايدة معاه كل مادى كان بيزيد على حاله لحد ما خدت عيالي وسيبت البيت قلت يمكن يعرف قيمتنا».
دعاوي محكمة الأسرة.. حمايا طردني أنا وعيالي في عز الليل
أضافت الزوجة: «من بعد ما سيبت البيت وهو استحلاها بقى مبيسألش ولا بيصرف ولما رجعت البيت عشان اشوف حل معاه هو اللي مشي واختفى ومعرفتش اوصله تاني، فضلت على الحال ده فترة لحد ما اضطريت ارفع عليه قضية نفقة عشان حق ولادي اللي مش عارفة اجيبه، حمايا لما عرف اني رفعت على ابنه قضية جه شقتي وطردني منها أنا وولادي في عز الليل».
قضايا محكمة الأسرة .. دعوى تمكين
أنهت «هند» حديثها قائلة: «حمايا بيتحجج إني عشان سيبت البيت مينفعش أقعد في الشقة، دلوقتي عند أهلي وجيت أرفع قضية تمكين عشان أعرف أرجع شقتي أنا وولادي».
تابع أحدث الأخبار عبر
