«اكتشفت إني الزوجة رقم 13».. سمية بدعوى خلع : «طلع ديوس كان عايز يجبلي رجالة البيت»
دعوى خلع هو أخر حل لجأت له «سمية» حتى تنهي حياتها مع زوج لم يتقي الله فيها أو يصونها وحياته من البداية معها بناها على الكذب والخداع وهي الآن تحاول أن تتعافى من صدمتها في زوجها وتبدأ حياتها من جديد.
تزوجت «سمية» في مقتبل عمرها ولكن لم يحدث نصيب وتم الطلاق بينهم وعاشت حياتها في بيتها ولم تفكر في الزواج مجددا، حتى تقدم لها شخص عن طريق جارها وخدعها بالوعود الكاذبة أنه سيكون سندها وضهرها في الدنيا واخبرها أنه متزوج لكن زوجته على فراش الموت لذلك سيتزوج مجددا، توسمت «سمية» فيه الخير وكانت تظن أن الحياة ابتسمت لها وستنسيها تجربة طلاقها المؤلمة لم تكن تعلم أن الحال سينتهي بها في محكمة الأسرة لتحصل على حقوقها.
«سمية»:كذب عليا وقالي سن أصغر من سنه
قالت «سمية»: اتجوزت في 2016، كذب عليا في كل حاجة من ساعة ما أتقدم، أولها لما قالي سن أصغر من سنه وطلع كبير في السن، ولما قال مراته تعبانة وهتموت وطلعت كويسة مش تعبانة، وقالي إنها عارفة أنه هيتجوز وموافقة على جوازنا ويوم كتب الكتاب لقيته بيدي للمأذون فلوس عشان ميعرفهاش إنه اتجوز، كذاب في كل حاجة مع إني من الأول وأنا صادقة معاه وقلتله إني كنت متجوزة قبل كدة، ومن ضمن كذبه خدني شقة وقالي دي تمليك وهتبقى بتاعتك وبعد كدة اكتشفت أنه مدي للبواب فلوس عشان يقول الشقة بتاعته.
«سمية»:مراته الأولى كانت مخوفاه أول ما تكلمه يجري ويسبني
قالت «سمية» عن مشاكلها مع زوجها: المشاكل في الأول كانت عادية وتحتمل مبيصرفش ومبيسالش عليا خالص بالشهور، قبل الجواز كان بيصرف بالزيادة بعد الجواز بطل كل ده، أمي اللي كانت بتصرف عليا وأنا متجوزة وبتجيب أكلي وشربي، غير المشاكل بسبب مراته الأولى كانت مخوفاه أول ما تكلمه يجري ويسبني حتى لو لسه داخل من البيت.
اقرأ أيضا
«سمية»: كان عايز يجبلي رجالة البيت ويقبض من ورايا
تابعت «سمية» كلامها وكشفت صدماتها في زوجها الذي كانت تظن أنها تعرفه: أول ما اتقدملي سمعته بيقول أيوه هو ده الجسم والشكل المطلوب مفهمتش قال كدة ليه وقتها لكن فهمت بعدين، لما رحت اشتكي في القسم من عمايله معايا واكتشفت بلاوي، كان عايز يجبلي رجالة البيت ويقبض من ورايا طبعا أنا رفضت ولما كنت بالقسم اكتشفت إني مراته ال 13 والحكاية دي بيعملها من زمان طلع بيتجوز الستات ويسرقهم ويجيبلهم رجالة ويستفيد منهم، أنا ربنا أنقذني منه الحمدلله إني سيبته ومخلفتش منه.