أخبار محكمة الأسرة اليوم
«كنت مستتاه وفي الآخر سرقني» .. ليلي تروي مأساتها بـ محكمة الأسرة
دعوى في محكمة الأسرة رفعتها «ليلى» على زوجها الذي اتقت الله فيه منذ دخولها بيته، ولكن ما وجدته منه القسوة والمعاملة السيئة ولم تعلم أبدا ما فعلته لتستحق هذه القسوة، وبالرغم من تحملها له وخروجها للعمل حتى تصرف هي على بيتها وأولادها كانت نهايتها محكمة الأسرة بسبب سرقة زوجها لها وحرمانه لها من أولادها.
قصص محكمة الأسرة..يبان عليه إنه بيحبني
قالت «هند» في بداية حديثها: «أنا متجوزة من 12 سنة، اتجوزت بعد قصة حب، من بعيد يبان على جوزي إنه بيحبني هو وأهله ومفيش مشاكل خالص وده كان الوضع في الأول فعلا، لكن بعد كدة كل حاجة اتغيرت، أنا شفت معاه أيام سودة خلتني اتمني إني كنت عمري ما قابلته في حياتي ابدا».
دعاوي محكمة الأسرة..مبيكملش في شغلانة
أكملت كلامها قائلة: «المشاكل مع جوزي كانت من ساعة ما اتجوزته مكنش بيصرف جنية وعلى طول في مشاكل وضرب وإهانة بسبب ومن غير سبب، مكنش بيبقى عايز ينزل يشتغل ومبيكملش شهر في شغلانة، لما اشتكيت لأهله قالولي لما يخحلف هيتعدل لكن مفيش فايدة بقى أسوء بعد الخلفة، الأول أنا كنت بعرف اتصرف لكن دلوقتي العيال مبقوش لاقيين الأكل».
حكايات محكمة الأسرة..رجعتله 5 شهور بس
تابعت حديثها قائلة: «تعبت منه سيبتله البيت سنة وشهرين بسبب إنه كداب ومش عايز يشيل المسؤولية عايز غيره يشيله ويصرف عليه، ورجعتله بس 5 شهور، لما رحعلته قلت خلاص أنا هعتمد على نفسي، اتفقت معاه إن اشتغل واصرف على العيال مش عايزة منه حاجة غيره إنه يبقى موجود مع العيال وليهم أب مش لوحدهم، في الفترة اللي رجعت فيها لقيت ضرب وإهانة أول زيارة لأهلي بهدلني عشان خرجت من البيت وزرتهم »
قضايا محكمة الأسرة..استلفت كتير عشان القضايا
أنهت حديثها قائلة: «أخر حاجة حصلت اخد العيال وطردني وخد فلوسي والعفش نقله بلده لوحده ن غير أي مشكلة، لحد ما جالي انهيار عصبي بسبب الضرب قعدت 4 شهور مش بتحرك غير خفيف بس، بعد كدة فوقت ورفعت نفقة وقايمة استلفت كتير عشان القضايا، هو متهرب من النفقة بسبب العنوان مش عارفين يوصلوا ليه خالص، بيقولي عايزة العيال خديهم بس مش هصرف عليهم جنية رافض أكلمهم أو أزورهم ».
تابع أحدث الأخبار عبر
