أخبار محكمة الأسرة اليوم
غرائب محكمة الأسرة.. آمال: ساعدته وجبتله بيت كتبه لضرتي
دعوى خلع ونفقة كان نهاية حياة صعبة عاشتها «آمال» مع زوجها الذي وقفت بجانبه منذ دخوله حياتها، ولم تتخلى عنه أبدًا حتى عندما طلقها وتخلى عنها، كل ما فعلته الزوجة كان من أجل ابنها الذي لم يكن في نيتها أن تؤذي والده بأي شكل من الأشكال، ولكن في كل مرة وقفت الزوجة بجانبه لم أجد سوى الغدر وعدم الرحمة، حتى أوصلها لأعتاب محكمة الأسرة تبحث عن حل لمشكلتها مع زوجها.
قصص محكمة الأسرة.. اكتشفت إنه متجوز واحدة قبلي
قالت «آمال» في بداية حديثها: «أنا متجوزة من 25 سنة، خلفت من جوزي ولد واحد بس، بعد الجواز عرفت أن جوزي كان متجوز قبل كدة ومراته رافعة عليه قضية خلع، ومكنش قايلي قبل الجواز معملتش مشكلة ساعتها لأنه قالي إنه مظلوم وهي اللي كانت مفترية وبيحمد ربنا إنه مخلفش منها».
دعاوي محكمة الأسرة.. اتطلقت وابني عند 4 سنين
أكملت كلامها قائلة: «من ساعة ما اتجوزته وأنا متبهدلة معاه مشاكله كتير صبرت عليه لكن لما عرفت إنه لسه بيكلم مراته القديمة وبعد كدة عايز يرجعلها تاني، سيبته وبعدها طلقني ابني كان عنده 4 سنين لما اتطلقت، والدتي وأخويا هما اللي ساعدوني اربيه مكنش فيه حد تاني يساعدني ربيت ابني لوحدي».
حكايات محكمة الأسرة.. رجعتله بعد 15 سنة
تابعت حديثها قائلة: «رجعتله بعد 15 سنة وقفت معاه أنا وأمي لما قالي إنه عايز يرجع عشان خاطر ابنه وافقت قال معنديش عفش ولا شقة ولا أي حاجة ساعدته أنا وأمي اديناله فلوس ووضبنا الشقة، وقفت بما يرضي الله معاه وهو متقاش ربنا فيا، أنا اللي جيت البيت بفلوسي انا وأمي وقلت معلش عشان خاطر ابني
قضايا محكمة الأسرة.. خلع ونفقة
أنهت حديثها قائلة:« لحد ما اكتشفت إنه اتجوز واحدة تانية عليا قريبته وكتبلها نص البيت اللي ساعدته في حقه أنا وأمي اتجوزها عندها بنتنين وبيصرف عليهم ورامي عياله قولتله بدل ما تصرف على عيال غيرك اصرف على عيالك رفض وابني قال مش عايز منه حاجة أبويا كان خالي اللي مات، دلوقتي هو سايبنا وقاعد مع مراتها لجديدة وجيت ارفع قضية خلع ونفقة عشان حقي أنا وابني».
تابع أحدث الأخبار عبر
