«ضيع الولد اللي حيلتنا» همسة لـ محكمة الأسرة : سيبتله العيال مستقبلهم ضاع
دعوى خلع رفعتها «همسة» في محكمة الأسرة على زوجها بعد تركها لبيتهم بـ3 سنوات، لجأت الزوجة لهذا الحل بعد أن شهدت حياة صعبة مع زوجها وحاولت طوال سنين زواجهم أن تعدل من حال زوجها لكن بائت محاولاتها بالفشل، وبعد أن قررت ترك زوجها لتعيش حياة طبيعية لا يملأها الحزن والقهر، تركت أبنائها لعدم قدرتها على تحمل مسؤوليتهم، وتواجدت على أبواب محكمة الأسرة على وجهها الندم والحسرة على ما شهدته في حياتها.
قصص محكمة الأسرة..مش من مستوايا المادي
بدأت «همسة» حديثها عن حياتها الزوجية وعن كيف قابلت زوجها واختارته أن يكون شريك حياتها وقالت: «أنا متجوزة بقالي 19 سنة خلفت من جوزي بنتين وولد، عرفت جوزي لأنه كان جارنا، اتقدملي وكان على قده جدا وأهله مستواهم المادي مش زيي أنا وأهلي بس مفرقش معانا الكلام ده واتجوزنا بعد الخطوبة بفترة قليلة».
دعاوي محكمة الأسرة..اتحول بعد الخلفة
بعد أن انجبت «همسة» ابنها الأول تحولت حياتها لجحيم بدلا من أن تعم حياتها الفرحة وكان السبب في ذلك زوجها والد طفلها، أكملت كلامها قائلة: «في أول سنة جواز جوزي كان محترم جدا ومش مخليني محتاجة حاجة، لكن بعد الخلفة اتحول طول الوقت بيعمل معايا مشاكل وبيتخانق معايا طول الوقت بسبب ومن غير سبب، كانت كل مشاكلنا بسبب الفلوس، لو طلبت منه فلوس يعمل معايا مشكلة، لو خدت من أهلي الفلوس اللي محتاجها يبهدلني ويقولي أحنا مبنشحتش من حد».
حكايات محكمة الأسرة..سيبته لما ولادي كبروا
تابعت حديثها قائلة: «مع السنين المشاكل كانت بتزيد، وأنا كنت بسكت واستحمل عشان ولادي وهو كان بيزيد فيها عشان فاكرني ضعيفة، كنت بتشتم واتضرب طول الوقت سواء فيه مشكلة أو مفيش، احنا على طول بنتخانق، لما ولادي كبروا قررت اسيبه لأني كرهت حياتي ومش قادرة أكمل معاه، لما مشيت سيبت العيال عشان مش قادرة أخد بالي منهم لوحدي»
قضايا محكمة الأسرة..قضية خلع
أنهت حديثها قائلة: «سايباه بقالي 5 سنين تقريبا ومن ساعة ما سيبته مشفتش ولادي خالص، أبوهم مانعهم عني بقيت أشوفهم في السر من وراه، العيال اتبهدلوا بسبب المشاكل، بقوا مستواهم الدراسي مش كويس وحالتهم وحشة، وابني الوحيد اكتشفت من قريب أنه بيشرب مخدرات، حاولت أرجعهم معرفتش وكلمت أهله عشان يساعدوني قالولي ملناش دعوة بيكي، وجيت أرفع عليه قضية خلع عشان أخلص منه كفاية اللي عملوا معايا ومع ولاده».
تابع أحدث الأخبار عبر
