أخبار محكمة الأسرة
سرق العفش والقايمة .. أميرة في دعوى طلاق : عاوزه حقوقي
دعوى طلاق لجأت إليها الزوجة في محكمة الأسرة بعد مشكلات وخلافات مستمرة كان السبب الرئيسي فيها هو أهل الزوج؛ الذين يتدخلون في شئونهما الخاصة وبعدما تصاعدت الخلافات بينهما قررت قصد محكمة الأسرة ورفع دعوى طلاق.
قصص محكمة الأسرة
تغاضت في بداية الزواج عن افتعال مشكلات زوجها وأهله من أجل الحفاظ والاستقرار على بيتها من الخراب، تستهل أميرة حكايتها لقاضي محكمة الأسرة قائلة: "أهله عاملين معايا مشاكل من ساعة ما اتجوزت على أي حاجة وليل ونهار بيدوروا على أي حاجة عشان يتخانقوا معايا ليها، كنت بعدي في الأول وأقول دا أهله برضو لازم احترمهم، كنت فاكرة بالطريقة دي إنهم هيحترموني ويبطلوا خناقات بينا".
حكايات محكمة الأسرة
استمرت الخلافات والمشكلات بسبب أهل الزوج الذين كانوا السبب في المشكلات، وبدأت الخلافات تتصاعد حتى خرجت ن السيطرة وقررت الزوجة قصد محكمة الأسرة من أجل رفع دعوى طلاق.
استكملت المدعية حديثها لقاضي محكمة الأسرة: "المشاكل بدأ بيزيد بينا أكتر وأكتر بسبب أهله اللي كانوا بيعملوا مشاكل عمال على بطال، وهو مكنش بيتصرف ولا بيعمل أي حاجة، وشايف لإن أهله يعملوا اللي هما عايزينه وأنا مليش أي حق أتكلم ولا أقول أي حاجة حتى".
روايات محكمة الأسرة.. سرق العفش عشان طلبت منه الطلاق
تابعت أميرة: "مقدرتش استحمل خالص وطلبت منه الطلاق لما لقيت الخناقات بتزيد وهو مش بيتحرك ولا بيعمل أي حاجة، وسبت البيت ورحت بيت أهلي رجعت أخد حاجات من الشقة لقيت العفش مسروق والقايمة كمان ومفيش أي حاجة في الشقة، لما كلمته قلتله فين العفش قالي مليش دعوة"، كان قرار الطلاق بعد هذا التصرف هو الأصلح لها ولحياتها الزوجية لذا قرت قصد محكمة الأسرة ورفع دعوى طلاق منذ 3 شهور لتستعيد حقها الذي سرقه الزوج.
تابع أحدث الأخبار عبر
