أخبار محكمة الأسرة اليوم
دعاوى محكمة الأسرة.. هند بدعوى نفقة: مصارفنا معاه بالقطارة كأننا بنشحت
تواجدت «هند» على أعتاب محكمة الأسرة وهي في عينيها الألم والحسرة بسبب الحياة التي عاشتها مع زوجها، تحملت الزوجة المعاملة السيئة التي تلقتها من زوجها حتى لا تتدمر حياتها وحياة بناتها، حتى اضطرت الزوجة أن تهرب من الحياة معه وتحتمي في محكمة الأسرة حتى تنقذ طفلتيها ونفسها من مستقبل مجهول.
قصص محكمة الأسرة.. اتحول وبقى راجل تاني
قالت «هند» في بداية حديثها: «أنا متجوزة من 12 سنة خلفت من جوزي بنتين، كنت متجوزة وأنا صغيرة جدًا وأنا وهو كنا جيران وفي الأول جوزي كان كويس جدًا ومحترم، بس بعدين اتغير وبقى واحد تاني غير الراجل اللي اتجوزته».
دعاوي محكمة الأسرة..بني آدم بتاع مشاكل
أكملت كلامها قائلة: «من ساعة ما اتجوزت وأنا بتقي ربنا في جوزي وبناتي، وكنت حامده ربنا عليهم بس هو كان بني أدم صعب ولا يحتمل بيغلط وبيعمل مشاكل كتير من ساعة ما اتجوزته، اتحملت معاه بهدلة وإهانة كتير جدًا محدش يستحملها».
حكايات محكمة الأسرة.. مبسوطين طول ما هو بعيد عننا
تابعت حديثها قائلة: «كنت بتضرب في كل مشكلة وبتسحل في البيت قدام بناتي اتبهدلت كتير معاه، أنا كنت عايشة في الأرياف وهو بيشتغل في القاهرة هنا، كل فترة بيبعد عننا كانت بتبقى أكتر فترة مرتاحة فيها، الفترة اللي بيبقى معانا فيها بتبقى نكد وقرف وبيطلع عنينا عشان يصرف علينا كأننا بنشحت منه، بناته بيكرهوا وجوده»
قضايا محكمة الأسرة.. هربت وسيبت الدنيا كلها
أنهت حديثها قائلة: «لحد ما تعبت منه ومن عمايله لما طلبت منه فلوس مصاريف لمدرسة البنات رفض وقتها أنه يديني أي حاجة، وقتها هربت وخدت بناتي سيبتله البيت وشفتلي شقة تانية في حته ميعرفش يوصلي فيها، رفعت عليه قضية طلاق شقاق الطلاق حصل بحكم محكمة وجيت أرفع قضية نفقة عشان خاطر بناتي اللي راميهم ومش بيسأل عليهم».
تابع أحدث الأخبار عبر
