أخبار محكمة الأسرة اليوم
«شفت معاه الويل».. سمية لمحكمة الأسرة: بنام بدري عشان محسش بالجوع
مثل العديد من الزوجات كانت «سمية» أمام محكمة الأسرة بعد أن رفعت على زوجها دعوى نفقة على زوجها بسبب المصاريف والحالة المادية الصعبة ومثل العديد من الزوجات أيضا تحملت الزوجة ظروف زوجها الصعبة من أجل ابنها وبيتها وأسرتها، لكن قسوة زوجها عليها منعتها من أن تكمل حياتها بشكل طبيعي.
قصص محكمة الأسرة.. حقيقته بانت بعد 6 شهور
قالت «سمية» في بداية حديثها: «أنا اتجوزت من 5 سنين، كان جواز بعد قصة حب كبيرة عرفت جوزي 3 سنين قبل الجواز، كنت عارفاه عن طريق مكان شغل، قبل الجواز الدنيا كانت كويسة جدا ومفيش مشاكل، بعد 6 شهور بس اتغير وبان على حقيقته، لو كنت أعرف إنه كده قبل الجواز مكنتش اتجوزته ولا كنت عرفته أساسا، كان بني أدم صعب جدا ومحدش يقدر يتحمله».
دعاوي محكمة الأسرة..أمه بتقويه عليا
أكملت كلامها قائلة: «كان ممكن أسيبه أول الجواز لما طبعه الوحش بان عليه، بس حملت في ابني وبقى صعب اني اسيبه لأني كنت خايفة عليه هيعيش ازاي من غير أبوه، واتحملت اللي محدش يقدر يتحمله جوزي كان ماشي بكلمه أمه وهي كانت ست صعبة ومبتحبنيش وبتقويه عليا وتقوله إنه يعمل معايا مشاكل وميدنيش مصاريف ليا وهو كان بيسمع كلامها في الغلط قبل الصح».
حكايات محكمة الأسرة..شفت البهدلة والويل
تابعت حديثها قائلة: «المشاكل بينا فضلت مكمله بسبب حجات كتير بس أكبر حاجة كانت على المصاريف، كنت ببقى جعانة أنا وابني وانام بدري عشان محسش بالجوع، كنت اشيل الأكل لأبني وممكن أقعد بالأيام مباكلش، كل ده ومبتكلمش ولا بشتكي عشان محدش من أهل يقولي انتي اللي اخترتيه، شفت معاه الذل والبهدلة، وهو كان مبيرحمش ولا يسيب رحمة ربنا تنزل ولا بيديني فلوس ولا عايزني اشتغل»
قضايا محكمة الأسرة..قضية نفقة
أنهت حديثها قائلة: «لحد في مره امه كانت عندنا وكان عايزني اجيب اكل وشرب وحجات عشان خاطرها ومدانيش فلوس أصلا، لما قولتله كده مسكني ضربني ولما امه عرفت قالتله مراتك بتستخسر فيا، طردني أنا وأبني في الشارع، وبعد شهرين تقريبا بعتلي ورقتي عند أهلي وجيت عشان أرفع قضية نفقة عشان خاطر ابني».
تابع أحدث الأخبار عبر
