أخبار محكمة الأسرة
مها بدعوى خلع: مش معتبرني مراته وعايشة معاه في البيت
بعد تحمل مها لسنوات من المعاناة مع زوجها الديكتاتوري قررت في النهاية بعد 12 عام اللجوء إلى محكمة الأسرة ورفع دعوى خلع بعد ما تفاقمت الخلافات بينهما بسبب ديكتاتورية الزوج.
مش معتبرني مراته وعايشة معاه في البيت
استهلت الزوجة حكاياتها لـ "الحادثة" مؤكدة أنها عانت معه طوال فترة الزواج بسبب طريقة تعامله معها التي تتميز بالديكتاتورية، تابعت: "صعب في التعامل أوي ومعندوش أي حاجة اسمها تفاهم وعلطول الشورة شورته والكلمة كلمته، مبيسمعش لحد ولا كأني عايشة معاه ولا بيعبرني مراته والمفروض إني اشاركه في كل حاجة تخص البيت".
حكايات محكمة الأسرة.. أسلوبه صعب في التعامل
مازالت المشكلات والخلافات مستمرة في التمادي بينهما بسبب أسلوب الزوج الذي كان السبب في كافة المشاجرات، تستكمل الزوجة رواياتها قائلة: "في أول الجواز قلت يمكن عشان احنا بس في الأول ولسة بنفهم بعض وعادي يبقى في مشاكل، وعديتله كتير عشان أعدى وامشي الدنيا، بس هو صعب أوي في التعامل ومش عارفة أعيش معاه ولا اتعامل معاه خالص"، بعد ما تفاقمت المشكلات تتدخل الأهل بينهم كثيرًا لحل المشكلات ولكن بأت كل المحاولات بالفشل.
دعاوي محكمة الأسرة.. مها في دعوى خلع
تحملت مها حياتها الصعبة مع زوجها من أجل محاولة إصلاح الأمور ولكن أسلوبه جعلها تفكر في الطلاق وتصر بعد ما ادركت استحالة الاستمرار في هذه الحياة، استكملت رواياتها: "صبرت كتير عشاما خاطر العيال، وعشان ممكن يتغير بس كنت غلطانة عشان مفيش أي حاجة اتغيرت، وهو لسة زي ما هو بطريقته الصعبة، مبعرفش اتناقش معاه ولو فكرت اتناقش معاه في أي حاجة أو اعارضه يضربني"، كان طريق القضاء هو الحل الأخير الذي قصدته لتنقذ حالها من أي مشاجرات وخلافات مع الزوج من خلال دعوى خلع أقامتها.
