أخبار محكمة الأسرة اليوم
محكمة الأسرة اليوم | روان: طلع ديوث وعايز يأجرني بالساعة.. ومنى: معيشني في فقر وذل
ينشر موقع الحادثة ضمن نشرة أخبار محكمة الأسرة اليوم، أبرز القصص التي نشرت على مدار اليوم الاثنين، والتي تباينت بين زوجات وصل بهن الطريق إلى أعتاب محكمة الأسرة بحثا عن حقوقهن، أو أزواج لم يستطيعوا التأقلم مع زوجات لم يشفع لهن حسن المعيشة.
محكمة الأسرة اليوم.. مها: بياخد فلوس الدروس بتاعة العيال عشان يشرب بيها
كانت دعوى الخلع في محكمة الأسرة هي الحل الأخير الذي قصدته مها بعد سنوات من المعاناة مع رجل لا يلتفت لشيء سوى إدمانه المفرط للمخدرات الذي كان السبب في خراب المنزل، أضافت مها: "كل شوية بقا بيزيد في القرف الي بيشربه دا، وبقا واحد تاني وبقا متغير معايا في كل حاجة، وكل شوية يحصل بينا مشاكل واسيب البيت وهو يقولي خلاص هتعدل وهبطل بس مفيش أي حاجة بتحصل ولسه زي ما هو بالعكس بيزيد، حتى بعد ما خلفت والعيال كبروا متغيريش، بقى يعمل أي حاجة عشان يجيب بيها الزفت اللي بيشربه دا، وبقى ياخد فلوس دروس العيال عشان يشرب بيها".
محكمة الأسرة اليوم.. روان: طلع ديوث وعايز يأجرني بالساعة
ظنت روان أن حياتها بعد الزواج تكون مليئة بالتفاهم والحب على حسب ما رأته منه خلال فترة الخطوبة، استكملت حكاياتها مؤكدة أن كل ما حلمت به وجدت عكس خلال قولها: "كنت فاكرة إن الجواز هيبقى جنة وإنه هيعيشني أحلى عيشة بس كنت غلطانة عشان لقيت حاجة تانية خالص غير اللي انا راسماها، أول كام شهر في الجواز كان كويس معايا فيهم، إنما بعد كدا اتحول ولقيت واحد تاني معايا، اتزنقنا في الفلوس في أو سنة عشان كنا لسه بنسدد أقساط الشقة والأجهزة الكهربائية وعشان يفك الزنقة دي، جه قال لي في راجل هيجي ياخدك وتروحي معاه في الشقة وهيديكي في الساعة فلوس كتير".
في البداية اعتقدت أنه من باب المزح فقط لكن عندما قرر طلبه بحجة التخلص من الضائقة المادية رفضت الزوجة وتركت المنزل طالبة منه الطلاق.
محكمة الأسرة اليوم.. منى: معاه فلوس تكفينا وزيادة ومعيشني في فقر وذل بقاله 7 سنين
دعوى نفقة في محكمة الأسرة قصدتها امنى بعد 7 سنوات تملتها في تعاسة بسبب ادعاءه الزوج بأنه حالته المادية ليست جيدة، ما أدى لنشوب الخلافات، ورغم كافة المشكلات بينهما إلا أن الزوجة كانت تراعي أوقات كثيرة ظروف الزوج الصعبة، ولكن بعد ما اكتشفت الحقيقة تعمدت تصاعد الخلافات، تستكمل منى باقي قصتها قائلة: "صبرت معاه 7 سنين وهو معيشني في فقر وطلع معاه فلوس وربنا ساترها عليه بس هو اللي مش عايز يصرف على بيته وعياله، وعرفت إنه مرتبه حلو ومحوش فلوس كمان وبيعمل جمعيات كمان ما شاء الله من ورايا، مش فاهمة ليه كان بيدعي عليا الفقر أنا وعياله"، قررت منى قصد محكمة الأسرة ورفع دعوى نفقة بعد 7 سنوات عاشتهم في ذل وفقر.
محكمة الأسرة اليوم.. سحر: يخوني برا البيت عادي إنما جوا لا
دعوى طلاق أقامتها الزوجة بعد معاناة في عش الزوجية مع رجل خائن طريق اتخاذ هذا الطريق دون اعتبار لبيته وأولاده، وبعد ما تفاقمت الخلافات بسبب تطور الأوضاع قررت اللجوء إلى محكمة الأسرة، تابعت: "حياته كلها ستات وياريت خيانات عادية على الفيس بوك وخلاص بس دا بقا ماشي في الحرام، وبيعمل حاجات تغضب ربنا، ومش فارق معاه ولا بيت ولا عيال وماشي في الحرام زي ما هو"، بعد ما تمادت الأوضاع وتطورت للخيانة داخل المنزل قررت الزوجة رفع دعوى طلاق، أنهت سحر حكاياتها قائلة: "كنت بصبر وأعدى عشان كان بيعمل القرف دا برا البيت مش جوا، إنما لما الحال يوصل إنه يجيب الستات دي البيت يبقى لازم أتدخل وأقول لا للي بيحصل دا، مش فارق معاه عياله يشوفوه وهو بيخون امهم عادي".
تابع أحدث الأخبار عبر
