أخبار محكمة الأسرة
مها لـ محكمة الأسرة: بياخد فلوس الدروس بتاعة العيال عشان يشرب بيها
كانت دعوى الخلع في محكمة الأسرة هي الحل الأخير الذي قصدته مها بعد سنوات من المعاناة مع رجل لا يلتفت لشيء سوى إدمانه المفرط للمخدرات الذي كان السبب في خراب المنزل بعد ما اتجه الزوج لفعل أي شيء من أجل شراء المخدرات حتى إذا كانت هذه مصروفات تعليم أولاده,
قصص محكمة الأسرة.. مكنش فيه منه اتنين
بدأت مها حكاياتها وأول ما أكدت عليه لقاضي محكمة الأسرة هو حياتها المستقرة التي شهدتها في بداية الزواج، ولكن ام تستمر هذه الحياة طويلاً لتجد حالها في واقع تريد التخلص منه بأي طريقة، تابعت: “أول ما اتجوزته مكنش في منه اتنين في المعاملة الكويسة والحب اللي كان بيدهوملي، استمرنا على كدا لمدة 3 سنين والدنيا بينا كانت كويسة جدًا، فجأة لقيت كل حاجة اتغيرت مش عارفة ليه وهو بقا واحد تاني خالص غير اللي كان معايا في أول الجواز”.
روايات محكمة الأسرة.. فهمني إنه بيشرب تفاريحي
لاحظت مها تغير الزوج معها في المعاملة ما جعل الخلافات تنشب بينهم بسبب تغير الزوج بطريقة مفاجأة، بعد ما استمر في هذه المعاملة فترة بدأت الزوجة تقتنع أن هناك سبب م لا تعرفه هو سبب تغيره معها، استكملت مها قصتها قائلة: "عرفت إنه بيشرب مخدرات، كانت صدمة كبيرة عشان مكنش باين عليه غنه يعرف صلا القرف دا وراجل محترم شغل في شركة محترمة، المهم أو لما واجهته قال لي أنا بشربها بس تفاريحي مش على طول، اتخانقنا وكنت هسيب البيت بس قولت بلاش أخرب البيت وممكن فلا يكون بيشربها تفاريحي بس مش مدمن".
حكايات محكمة الأسرة.. بياخد فلوس دروس العيال عشان يحشش بيها
تمادى الزوج في تغيره الذي جعل المشكلات تتفاقم بسبب إدمانه المفرط الذي فشلت الزوجة في محاولة إقناعه بالإقلاع عنها، أضافت مها: "كل شوية بقا بيزيد في القرف الي بيشربه دا، وبقا واحد تاني وبقا متغير معايا في كل حاجة، وكل شوية يحصل بينا مشاكل واسيب البيت وهو يقول لي خلاص هتعدل وهبطل بس مفيش اي حاجة بتحصل ولسة زي ما هو بالعكس بيزيد، حتى بعد ما خلفت والعيال كبروا متغيريش، بقا يعمل أي حاجة عشان يجيب بيها الزفت اللي بيشربه دا، وبقا ياخد فلوس دروس العيال عشان يشرب بيها"، لم تجد الزوجة فائدة في محاولاتها معه لذا قررت قصد محكمة الأسرة من أجل رفع دعوى خلع.
تابع أحدث الأخبار عبر
