محكمة الأسرة اليوم | إسراء: كسر الشاشة على دماغي ووفاء: هرب بالعيال عشان سبتله البيت

ينشر موقع الحادثة ضمن نشرة أخبار محكمة الأسرة اليوم، أبرز القصص التي نشرت على مدار اليوم الأحد، والتي تباينت بين زوجات وصل بهن الطريق إلى أعتاب محكمة الأسرة بحثا عن حقوقهن، أو أزواج لم يستطيعوا التأقلم مع زوجات لم يشفع لهن حسن المعيشة.

محكمة الأسرة اليوم.. إسراء: كسر الشاشة على دماغي أول أسبوع في الجواز

واجهت إسراء مشكلات كثيرة أثناء الخطوبة وكانت كلها إشارات بأنه رجل غير جيد ولكنها أصرت على الزواج منه وعدم الإصغاء لأي حد بسبب حبها الأعمى له، تستكمل رواياتها: "كل الناس كانت بتحاول تخليني أسيبه عشان مكنش كويس، بس انا كنت متمسكة بيه أوي بالرغم إنه عمل حاجات ومشاكل معايافي الخطوبة لو أي واحدة تاني مش هتكمل بس انا عشان كنت حباه كنت عامية عن أي حاجة بيعملها"، ظنت أن كل هذا يتغير بعد الزواج وكلنها مخطئة لأنه لم يمر سوى سنتان ونصف فقط ووجدت نفسها في محكمة الأسرة تطلب الخلع، تابعت: "كنت فاكرة الجواز هيغيره ويخليه واحد تاني بس فعلا بقا واحد تاني وزاد في قلة أدبه، ومن أول أسبوع في الجواز والخناقات بدأت ومن أول خناقة بينا كسر الشاشة على دماغي".

اقرأ أيضا

إسراء لـ محكمة الأسرة: همجى ومش بيتفاهم وكسر الشاشة على دماغي أول أسبوع في الجواز

محكمة الأسرة اليوم.. أمنية: أهله مانعين عني الأكل والشرب 

توقعت أمنية أنها تعيش أجمل أيام حياتها بعد الزواج ولكن الواقع صدمها بسبب ما رأته من زوجها وأهله الذين خلوا بوعدهم معها بأنها تكون من مسئولياتهم أثناء سنة الجيش، وبعد خروج الزوج من الجيش ساءت الأحوال والأوضاع أكثر، وقالت الزوجة: "كان لسة فاضله سنة في الجيش وأهله قالوا نتجوز عادي وهما هيتحملوا كل المصاريف لحد ما يخلص بس لقيت معاملة تانية خالص من أهله بقوا بيعاملوني وحش أوي دا غير إنهم منعوا عني الأكل والشرب، لما خرج من الجيش قلت الدنيا هتتحسن بس بقا قاعد لي في البيت ومش عايز ينزل شغل، رحت عن ماما وهي اللي بقت بتصرف علينا وفضل على الحال دا 8 سنين"، قصدت محكمة الأسرة من أجل رفع  دعوى خلع في السنة العاشرة من الزواج.

محكمة الأسرة اليوم.. هدى: مبيطلعش الجنيه من جيبه

سنوات من المعاناة تحملتها الزوجة مع رجل بخيل لا يريد الإنفاق عليها هي والأولاد، وبعد ما تصاعدت الأمور تركت المنزل واستأجرت غرفة لها وأصبحت تعيش على الأموال التي تأخذها من الجيران، أضافت: "من ساعة ما تجوزته وهو مش عايز يصرف عليا، كنت فاكره الموضوع هيتغير بعد ما اخلف بس مفيش أي حاجة خالص اتغيرت وزاد كمان ومبقاضي راضي يصرف علينا أنا والعيال ولا جنيه، سبت البيت أنا والعيال وأجرت اوضه ليا أنا وهما وبقيت عايشه على الفلوس اللي بيدوهالي، وبقيت بسترزق منهم، كل واحد بيديني اللي بيقدر عليه 50 جنيه، 100، واديني عايشه بيهم"، بعد تفكير طويل قررت قصد محكمة الأسرة من أجل رفع دعوى نفقة لعلها تكون الحل لمشكلتها مع زوجها البخيل.

محكمة الأسرة اليوم.. وفاء: خد العيال وهرب عشان سبتله البيت

كانت ضم الحضانة هي الوسيلة التي تنقذ وفاء من مشكلاتها مع الزوج الذي هرب مع الأولاد بسبب خلافات طبيعية أدت لترك المنزل من قبل لزوجة، ألحت وفاء عليه سنتان بالكامل من أجل عودة الأولاد ولكنه رفض، تابعت: "اتخانقنا زي العادي، وسبت البيت وكان معاه العيل في البيت، راح واخد العيال وهرب بيهم معرفش راح فين، وكلمته بدل المرة ميه عشان خاطر يرجع لي العيال بس قال لي مش هخليكي تشوفيهم تاني أبدًا، اتحايلت عليه اخدهم وبرضو مش راضي يخليني أشوفهم حتى"، لم تجد وفاء أمامها إلا محكمة الأسرة لكي تساعدها في مشكلتها من خلل دعوى ضم حضانة أقامتها منذ 4 شهور، ولا تزال الدعوى منظورة حتى الآن.

تابع أحدث الأخبار عبر