أخبار محكمة الأسرة اليوم
«طردني ببنتي العيانة».. سلوى في دعوى خلع: طلع أوحش من اللي قبله
دعوى خلع رفعتها «سلوى» على زوجها الثاني بعد أن انفصلت عن زوجها الأول بنفس الطريقة ظنت أن حياتها ستستقر في اختيارها الثاني وأنا حياتها ستصبح وردية بعد أن شهدت أيام يملأها الحزن والقسوة في زيجتها الأولى، لتفاجئ بالواقع المؤلم عندما تدمرت حياتها بسبب زيجتها الثانية.
قصص محكمة الأسرة..من ساعة ما دخل بيتنا وأهلي مش موافقين عليه
بدأت «منيرة» حديثها وقالت: «أنا اتجوزت أول مرة من 5 سنين، كان جواز عن حب، من ساعة ما دخل بيتنا وأنا أهلي مش موافقين عليه ومش موافقين على جوازنا بس أنا صممت أننا نتجوز ومرضيتش اسيبه ووقفت معاه وساعدته لحد ما اتجوزنا والدنيا كانت كويسة في أول كام شهر بس بعد كدة كل حاجة اتغيرت».
دعاوي محكمة الأسرة.. مكملتش سنة جواز
أكملت حديثها قائلة: «مكملتش معاه أكتر من سنة جواز بسبب معاملته الوحشة كان بيشتم ويقل أدبه ويغلط طول الوقت بسبب ومن غير سبب، ولا بيصرف ولا بيسأل ولو طلبت منه حاجة اتشتم واتبهدل واتعامل أسوء معاملة، سيبته لما لقيت مفيش فايدة معاه ومش هيتعدل ورفعت عليه قضية خلع، وأنا حامل في بنتي في التالت بس بسبب المشاكل اللي كنت عايشه فيها بنتي اتولدت تعبانة».
حكايات محكمة الأسرة..وعدني إنه هياخد باله مني
تابعت حديثها قائلة: «لحد ما اتقدملي واحد تاني عن طريق أهلي وكان كويس جدا ومحترم وابن ناس وعدني إنه كويس وهيخلي باله مني ومن بنتي صدقته ووافقت عليه واتجوزنا وبنتي كانت معايا والدنيا كانت ماشية كويس في الأول أنا كنت بشتغل وأصرف وأساعده على المصاريف وبصرف على بنتي اللي هي محتاجاه عشان علاجها».
قضايا محكمة الأسرة..طردني ببنتي العيانة
أنهت الزوجة حديثها قائلة: «خلفت منه ولد واحد بس، وبعد سنة تقريبا بقى بيعايرني لو صرف جنيه على بنتي، لحد ما طردني ببنتي وقال أنا مش هصرف على عيال حد بالرغم أني كنت شايلة كل مصاريفها وهو مش متحمل غير حجات قليلة، مش راضي بالبنت تعيش معانا عشان مشاويرها كتير للدكاترة ولازم أكون معاها عمل خناقة على المصاريف والتعب وطردنا، وجيت أرفع عليه قضية خلع، وهرفع قضية نفقة عشان خاطر ابني».
تابع أحدث الأخبار عبر
