أخبار محكمة الأسرة
«مأنتخ في البيت».. سماح تطلب الطلاق: شغالة ورديتين وبصرف عليه 16 سنة
مسئولية كاملة تحملتها سماع في عش الزوجية مع زوج متكاسل لا يريد تحمل أعباء الأحياء فلا يفعل سوى جلوسه في المنزل دون أي عمل، بعد استمرار الحال لمدة 16 عامًا قررت التوجه إلى محكمة الأسرة ورفع دعوى طلاق.
قصص محكمة الأسرة.. مأنتخ في البيت من غير ولا شغلة ولا مشغلة
"مبيعملش حاجة غير إنه قاعد في لبيت من غير ولا شغلة ولا مشغلة وأنا اللي مسئولة عن البيت والعيال"، كانت هذه الكلمات الأولى في حكاية سماح التي استهلتها للقاضي، تابعت: "قبل ما نتجوز كان راجل محترم وبيشتغل وشايف شغله كويس وحتى في التعامل معايا كان كويس جدًا، ومكنش في مشاكل تقريبًا قبل الجواز بس من بعد الجواز كل حاجة اتغيرت"
حكايات محكمة الأسرة.. اتصدمت فيه بعد الجواز
وجدت سماح رجل مختلف تمامًا عن الذي عرفته قبل الزواج، وبعد ما كان رجل مسئول ملتزم في عمله فضل التكاسل في المنزل بعد الزواج دون الالتفات إلى متطلبات واحتياجات المنزل، استكملت رواياتها: "كانت أكتر حاجة عجباني فيه إنه بيحب شغله وملتزم فيه، كنت شايفة إنه هيراعي ربنا فيا وفي العيال اللي هنخلفهم، بس كنت غلطانة عشان اتصدمت فيه، معداش كام شهر بس ولقيته قعد في البيت ومش عايز ينزل الشغل، ومبقاش في فلوس نصرف بيها على البيت فا نزلت أنا اشتغل".
روايات محكمة الأسرة
تفاقمت الخلافات بسبب تكاسل الزوج عن العمل واستمرت لأكثر من 16 سنة على هذا الحال والزوجة هي المسئول بمفردها عن كل متطلبات المنزل والأولاد، تابعت: "من ساعة ما نزلت الشغل بقالي 16 سنة وأنا اللي شايلة البيت لوحدي وهو مبيعملش حاجة غير إنه نايم في البيت، وأنا شغالة ورديتين عشان أعرف أصرف على البيت، ومفش أي حاجة جايبة معاه نتيجة ومبيتغيرش في أي حاجة، وبقيت حاسة إني أنا الراجل مش هو" فقدت الزوجة الأمل في تغيير الأحوال ما جعلها تقصد محكمة الأسرة ورفع دعوى طلاق.
تابع أحدث الأخبار عبر
