أخبار محكمة الأسرة اليوم
«واحدة واجهة والتانية بنك».. منى لـ محكمة الأسرة: عايز يتجوز واحدة عشان تصرف علينا
لم ترفع «منى» دعوى في محكمة الأسرة على زوجها فقط بسبب زواجه سيدة أخرى عليها، بل كان السبب هو اختياره لزوجته الثانية صاحبة الستين عام بدلًا من أن يحافظ على أسرته، وكان سبب اختياره لزوجته الثانية هو أنها تمتلك أموال كفاية أن تصرف على ما يحتاجه وما يكفيه حتى ينسى زوجته وأبنائه، ورفعت الزوجة دعوى النفقة لتحصل على حقوقها وحقوق أبنائها التي منعها عنها الزوج بدون وجه حق.
قصص محكمة الأسرة..قعدني من الشغل وقال مش هيخليني محتاجة حاجة
قالت «منى» في بداية حديثها: «أنا متجوزه من 15 سنة ومعايا 3 أولاد، اتعرفت على جوزي عن طريق مكان كنا بنشتغل فيه، وأول ما اتجوزنا قعدني من الشغل وقالي هو هيشتغل ويصرف وهيخليني مش محتاجة حاجة وهيستتني وصدقته وقتها لكني كنت غلطانة لما صدقته».
دعاوي محكمة الأسرة.. مبيفكرش غير في نفسه وبس
أكملت «منى» حديثها وقالت: «من زمان وظروفه صعبة ومش مكفي مصاريف البيت وكان بني آدم مبيفكرش غير في نفسه وبس، كان ظروفنا على قدنا وراح ورطنا في قرض عشان عايز يجيب عربية وبعد ما جابها قال عايز يبيعها ويجيب واحدة جديدة واحنا لسه مخلصناش القرض الأول والقسط لسه شغال».
حكايات محكمة الأسرة.. عايز يتجوز مزه في سن الضياع
تابعت «منى» حديثها قائلة: «لما المصاريف زادت عليه قالي إنه عايز يتجوز مزه في سن الضياع عشان تصرف علينا وعلى الولاد، وقالي إنتي أم ولادي وواجهة اجتماعية وهي بس هتكون بتصرف واللي عايزاه هجيبهولك عربية أو شالية أو أي حاجة، رفضت وقلتله عايز تتجوز يبقى أنا مش هفضل على ذمتك ومفتحش الموضوع تاني ساعتها».
قضايا محكمة الأسرة.. عرفت انه اتجوز من الفيسبوك
أنهت «منى» حديثها قائلة: «من سنتين عرفت إنه اتجوز ست عندها 60 سنة وطلقني غيابي عرفت إنه اتجوزها من الفيسبوك لما نزل صورته معاها، رفعت عليه قضية نفقة والمحكمة حكمت لي نفقة 3000 جنية ل 3 أطفال ومش مكفيين أي حاجة وهو بيضطر يدفع عشان ميتراكمش عليه فلوس خايف من الحبس بس قبل كدة مكنش بيصرف ولازم اكلم صحابه وأهله عشان يصرف علينا».
تابع أحدث الأخبار عبر
