أخبار محكمة الأسرة
محكمة الأسرة.. منار: بياخد مرتبي بالعافية ومش مكفية إنه مبيصرفش ولا مليم
دعوى نفقة هي التي توسلت إليها منار في محكمة الأسرة بعد ما عانت مع زوجها لمدة 10 سنوات بالكامل بسبب رفضه الإنفاق عليها علاوة على أخذ مرتبها الشهري منها عنوةً ما جعلها تلجأ على محاكم الأسرة بعد كما وجدت أن هذا الطري الوحيد الذي يجلب لها حقها.
قصص محكمة الأسرة.. أول 3 سنين في الجواز كانت الدنيا تمام
تستهل الزوجة حديثها للقاضي مؤكدة أنها عاشت أجمل فترة في حياتها أول 3 سنوات من الزواج، تحول كل شيء بعد الثلاث سنوات لتجد شخص آخر لا يريد الإنفاق وكان هذا السبب الرئيسي لكل الخلافات بينهما، تابعت: "أول 3 سنين الدنيا كانت كويسة بينا وكان بيصرف كويس على البيت ومش مخليني عايزة حاجة، ومكنش في مشاكل خالص تقريبًا بس معرفش إيه اللي حصل بعد التلات سنين دول".
حكايات محكمة الأسرة.. نزلت اشتغل عشان اعرف اصرف على العيال
بدأت المشكلات بينهما على أتفه الأسباب، ولم تدري الزوجة ما السبب وراء كل هذا التغير ما جعلها تتسأل عن تغيره، تابعت منار: "بقا واحد تأني خالص مش راضي يصرف عليا مش فاهمة ليه، كلمته مرة واتنين في موضوع المصاريف دا بس هو كل مرة يقولي مش معايا فلوس ومش نفسك باللي موجود، حاولت كتير أعمل كدا بس الموضوع صعب مع العيال"، أضافت: "نزلت اشتغل عشان اعرف اصرف على العيال عشان الملاليم اللي بيسيبها مبتكفيش اي حاجة خالص، ومبقتش اطلب منه مصاريف خالص وبقيت انا اللي شايلة كل مصاريف البيت، قلت هيسيبني في حالي بس بالعكس المشاكل كترت بينا".
روايات محكمة الأسرة.. بياخد مني المرتب بالعافية
ظنت منار أنها بحثها عن العمل ينهي المشكلات بينهما على مصروف المنزل ولكن في الحقيقة أن الأمور تمادت بسبب رغبة الزوج في أخذ المرتب الشهري عنوةً منها، تنهي منار رواياتها لقاضي محكمة الأسرة وتقول: "مش مكفية إنه مبيصرفش عليا انا والعيال لا كمان بياخد مني المرتب بالعافية عشان يدلع نفسه ومش مهم العيال، عشان كدا ملقتش قدامي غير محكمة الأسرة عشان يعرف إنه الله حق"
تابع أحدث الأخبار عبر
