أخبار محكمة الأسرة
مراتي نزلت تشتغل رجعت بثري عربي وعاوزه تطلق.. أغرب قضايا محكمة الأسرة
معاناة تعيشها سميرة من بداية الزواج بسبب أسلوب زوجها الذي كان عائقًا في استمرار حياتهما بشكل مستقر، تصاعدت الأمور منذ لجوئها إلى عمل جديد هربًا من معاملة زوجها، وكانت هنا نقطة التحول الذي لجأت بسببها سميرة إلى محكمة الأسرة من أجل إقامة دعوى طلاق.
حكايات محكمة الأسرة.. أسلوبه صعب في التعامل
صبرت سميرة كثيرًا مع زوجها الهمجي من أجل الحفاظ على عش الزوجية وعدم طلب الطلاق وكلها أمل أن الأمور تتحسن ولكن الواقع صدمها، استهلت الزوجة حكاياتها لقاضي محكمة الأسرة قائلة: "أسلوبه صعب أوي في التعامل عشان كدا كانت المشاكل بينا كتير طول الوقت وسبت البيت كتير بسبب الخناقات، والأهل ادخلوا بينا كتير قبل كدا عشان يحلوا المشاكل اللي بينا، قلت هيتغير ويعقل بس مفيش فايدة في خالص لسه مكمل في أسلوبه اللي زي الزفت"
قصص محكمة الأسرة.. تعبت معاه بسبب معاملته
كلما ظنت سميرة أن الأمور تتحسن مع مرور الوقت ولكن في الحقيقة كان الوضع يزداد في السوء ما جعل الأمور معقدة علاوة على الخلافات التي حاصرت حياتهما ليلاً نهارًا بسبب أسلوب الزوج الهمجي، تابعت حكاياتها: "اتحملت معاه كتير عشان خاطر العيال وكنت كل شوية أقول هيتغير ويتعدل معايا في المعاملة بس مفيش فايدة فيه خالص بالعكس أسلوبه بيزيد في الهمجي وكل حاجة بالخناق والضرب، ومبيعرفش يتعامل غير بالأسلوب دا وأنا تعبت معاه بصراحة"
روايات محكمة الأسرة.. عايزة اتطلق عشان اشوف حياتي
قررت الزوجة على البحث عن عمل جديد بعد ما شعرت من ملل المنزل علاوة أنها نوت الهروب من زوجها الهمجي، وكان هذا العمل سبب تحول حياتها بشكل كبير ولجؤها إلى محكمة الأسرة، تستكمل حكاياتها قائلة: "نزلت اشتغل عشان اشوف الدنيا عشان مكنتش عارفة اتأقلم على أسلوبه معايا اللي كله ضرب وخناق على أي حاجة عمال على بطال قلت اشوف الدنيا واتعامل مع ناس جديدة يمكن نفسيتي تتحسن، بعد شهر في الشغل دا صاحبتي عرفتني على ثاري عربي متريش ومعاه فلوس، كنا بنتكلم عادي في الأول وبعد كدا طلب إنه يتجوزني قلت له إني متجوزة وقفلت معاه الموضوع ومتكلمناش تاني، بس لما لقيت جوزي مكمل في طريقته دي اللي أنا مش قادرة استحملها، طلبت منه الطلاق عشان اتجوزه هو لما عرف إني عايزة اتطلق عشان اتجوز رفض يطلقني"، لجأت الزوجة إلى محكمة الأسرة من أجل رفع دعوى طلاق.
تابع أحدث الأخبار عبر
